नेपालगन्जमा कार्तिक २९ गतेदेखि महोत्सव हुँदै

अर्थ

गृहपृष्ठ
अर्थ
नेपालगन्जमा कार्तिक २९ गतेदेखि महोत्सव हुँदै

नेपालगन्जमा कार्तिक २९ गतेदेखि महोत्सव हुँदै

आइतबार, कात्तिक ४, २०८१ बागेश्वरी पोस्ट

नेपालगन्ज । नेपालगन्जमा कृषि-पर्यटन प्रवर्द्धन महोत्सव हुने भएको छ ।

रैथाने कृषि उपजहरुको बजारीकरणसंगै कला, संस्कृति र पर्यटकीय स्थलहरुको संरक्षण, संवर्द्धन, प्रवर्द्धन तथा प्रचारप्रसार गर्ने उद्देश्यले यही कार्तिक २९ गतेदेखि मंसिर १८ गतेसम्म 'प्रथम कृषि, पर्यटन प्रवर्द्धन, व्यापारिक, संरक्षण तथा सांस्कृतिक महोत्सव एक्स्पो २०८१' संचालन हुनेछ । नेपाल आदिवासी जनजाती महासंघ जिल्ला समन्वय परिषद बाँकेको आयोजनामा हुने महोत्सवमा २५० स्टल राखिनेछ ।

आज नेपालगन्जमा आयोजित पत्रकार सम्मेलनमा नेपाल आदिवासी जनजाती महासंघ बाँकेका अध्यक्ष डम्मर बहादुर थापाले कृषि-पर्यटन हस्तकलाका स्टलहरु समेत रहने जानकारी दिए । महोत्सवमा लुम्बिनी प्रदेशका १२ जिल्लाका धार्मिक तथा पर्यटकीय स्टल प्रदर्शनी, जातीय खाना प्रदर्शनी, जातीय भेषभुषा प्रदर्शनी हुने जनाइएको छ ।

महोत्सवमा मेला अवधिभर ३ लाख दर्शकले अवलोकन गर्ने अपेक्षा गरिएको छ । अध्यक्ष थापाका अनुसार ५ करोड बराबरको कारोबार भई संस्थाका लागि भवन निर्माणमा सहयोग पुग्ने अपेक्षा समेत गरिएको छ । कारकाँदो वाटरपार्क क्षेत्रमा महोत्सव आयोजना हुनेछ । पत्रकार सम्मेलनको सहजीकरण आदिवासी जनजाती महासंघ बाँकेका सचिव राजन राना मगर र पत्रकार समिरमान श्रेष्ठले गरेका थिए ।

प्रकाशित मिति: आइतबार, कात्तिक ४, २०८१ १७:२७

प्रतिक्रिया दिनुहोस्