ह्याप्पी होप इंग्लिश मिडियम स्कूलले मनायो सत्रौं बार्षिकोत्सब

शिक्षा

गृहपृष्ठ
शिक्षा
ह्याप्पी होप इंग्लिश मिडियम स्कूलले मनायो सत्रौं बार्षिकोत्सब

ह्याप्पी होप इंग्लिश मिडियम स्कूलले मनायो सत्रौं बार्षिकोत्सब

सोमबार, माघ २१, २०८१ बागेश्वरी पोस्ट

नेपालगञ्ज । ह्याप्पी होप इंग्लिश मिडियम स्कूलले सत्रौं बार्षिकोत्सब मनाएको छ । नेपालगञ्ज उपमहानगरपालिका वडा नम्बर २२ स्थित बसपार्क रोड पुरैनी कान्तिताल नजिकै अवस्थित ह्याप्पी होप इंग्लिश मिडियम स्कूलले आज सत्रौं बार्षिकोत्सब मनाउनुका साथै बसन्त पञ्चमीका अवसरमा विशेष कार्यक्रम सम्पन्न गरेको छ ।

विद्यालयका अध्यक्ष सागर ज्ञवालीको सभापतित्व एवम् शिक्षा विकास तथा समन्वय इकाई बाँकेका अधिकृत लोक बहादुर शाहीको प्रमुख आतिथ्यतामा सम्पन्न कार्यक्रममा विद्यालयका उत्कृष्ट शिक्षक, शिक्षिका र विद्यार्थीलाई सम्मान गर्नुका साथै खेलकुद प्रतियोगिताका विजेता विद्यार्थीहरुलाई पुरस्कार समेत वितरण गरिएको थियो ।

कार्यक्रममा अधिकृत शाही, वडा नम्बर २२ का वडा अध्यक्ष अब्दुल गफ्फार हलवाई, विद्यालयका अध्यक्ष ज्ञवाली, प्रबन्ध निर्देशक चेतलाल गिरी, प्रधानाध्यापक युवराज कोइराला, सञ्चालक सदस्य मिरा खनाल लगायतले बोलेका थिए । प्रमुख अतिथि शाहीले गुणस्तरीय र जीवनोपयोगी शिक्षामा विशेष जोड दिँदै विद्यार्थीहरुको बृत्ति विकासमा विद्यालयले ध्यान केन्द्रित गर्नुपर्ने बताए । उनले अभिभावक, शिक्षक र विद्यार्थीहरुको साझा प्रयासबाट उत्कृष्ट शिक्षा प्राप्त गर्ने वातावरण बन्ने भन्दै त्यसका लागि सबै प्रतिबद्ध हुनुपर्नेमा जोड दिए ।

बार्षिकोत्सब समारोहमा अभिभावक, विद्यार्थी लगायत अन्य अतिथिहरुको उपस्थिति थियो । बसन्त पञ्चमी अर्थात सरस्वती पूजाको अवसरमा विद्यालय भर्ना भएका नयाँ बालबालिकालाई अक्षराम्भ पनि गराइएको थियो । त्यस समारोहमा विद्यार्थीहरुले नृत्य समेत प्रस्तुत गरेका थिए ।

May be an image of 7 people, lighting, dais and text May be an image of 10 people, wedding, dais and text that says 'Ma Fd PY' May be an image of 6 people, temple and text May be an image of 9 people