भारतीय लागुऔषध कारोबारीमाथि प्रहरीले चलायो गोली, दुई जना पक्राउ

सुरक्षा-अपराध

गृहपृष्ठ
सुरक्षा-अपराध
भारतीय लागुऔषध कारोबारीमाथि प्रहरीले चलायो गोली, दुई जना पक्राउ

भारतीय लागुऔषध कारोबारीमाथि प्रहरीले चलायो गोली, दुई जना पक्राउ

बुधबार, माघ २३, २०८१ बागेश्वरी पोस्ट

नेपालगन्ज । नेपाल प्रहरीले भारतीय कुख्यात लागुऔषधमाथि गोली चलाएको छ । प्रहरीले झापाको कनकाई नगरपालिका–४ स्थित भित्री सडकखण्डमा गोली प्रहार गरी दुई भारतीय लागुऔषध कारोबारीलाई पक्राउ गरेको हो ।

गएराति भारतको बिहार राज्यको डिगल बैंक थाना घर भएका २८ वर्षीय अन्जार आलम र उनका भाई १९ वर्षीय यूसुब आलमलाई गोली चलाएर पक्राउ गरिएको जिल्ला प्रहरी कार्यालयका सूचना अधिकारी कृष्णबहादुर चन्दले जानकारी दिए ।

उनीहरुले वीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेका थिए । प्रहरीले रोकेर जाँज गर्ने क्रममा दुवै जना भाग्न खोज्दा उनीहरुमाथि गोली चलाउनु परेको चन्दले बताए । प्रहरीले चार राउण्ड हवाई फायर गरी दुवै जनालाई नियन्त्रणमा लिएको हो । यस क्रममा मोटरसाइकल चालक अन्जार आलमको घुडाँमुनी गोली लागेको छ ।

उनीहरुको साथमा प्रतिबन्धित लागुऔषध ब्राउन सुगुर ३० ग्राम ९० मिलिग्राम फेला परेको सूचना अधिकारी चन्दले बताए । घाइते अन्जारको प्रादेशिक अस्पताल भद्रपुरमा उपचार भइरहेको छ ।

केही दिन अघि पनि पश्चिम नवलपरासी प्रहरीले लागुऔषध कारोबारीलाई समात्न ४ राउन्ड गोली चलाएको थियो ।

प्रकाशित मिति: बुधबार, माघ २३, २०८१ १०:३१

प्रतिक्रिया दिनुहोस्