बालिका शिक्षा कार्यक्रमले जीवन बदलेको छ–अलुम्नाई

स्थानीय

गृहपृष्ठ
स्थानीय
बालिका शिक्षा कार्यक्रमले जीवन बदलेको छ–अलुम्नाई

बालिका शिक्षा कार्यक्रमले जीवन बदलेको छ–अलुम्नाई

शनिबार, फागुन ३, २०८१ बागेश्वरी पोस्ट

नेपालगञ्ज । बर्दियाको गुलरियामा आयोजित एक कार्यक्रमका सहभागी अलुम्नाईहरुले बालिका शिक्षा कार्यक्रमले जीवनमा आशा दिएको बताएका छन् । बालिका शिक्षा कार्यक्रम अन्तरगत कक्षा १२ पास गरेका बालिका (अलुम्नाई) हरुको सहभागितामा सम्पन्न अलुम्नाई मिटअप कार्यक्रममा सहभागीहरुले यस्तो बताएका हुन् ।

अलुम्नाई बालिकाहरुको प्रगतिका बारेमा जानकारी लिने, सफलताका कथा तथा अनुभव आदानप्रदान गर्ने र अलुम्नाईसँगको सम्बन्धलाई बढावा दिने उद्देश्यले उक्त मिटअप गरिएको थियो । रुम टु रिडको आर्थिक तथा प्राविधिक सहयोगमा बास नेपालद्वारा आयोजित कार्यक्रममा आफ्नो अनुभव सुनाउँदै अलुम्नाईहरुले बालिका शिक्षा कार्यक्रममार्फत लिएको जीवन उपयोगी सिपले जीवनको लक्ष्य निर्धारण, आत्मविश्वास र आत्मसुरक्षा कसरी गर्ने भन्ने बारेमा उपयोगी भएको बताएका थिए ।

कार्यक्रममा बोल्दै बास नेपालका केन्द्रीय महासचिब खुमेश सुबेदीले जीवन उपयोगी सिप कक्षाबाट सिकेको कुरालाई ब्यवहारमा लागू गर्न सबैलाई अनुरोध गरे । यसैगरी बासका केन्द्रीय सचिब दिला शाहले अलुम्नाई मिटअपमा सुनाएको अनुभवले उत्साहित भएको बताईन् । बास नेपालका सिनियर सामाजिक परिचालक सुस्मिता लामाले सहजीकरण गरेको कार्यक्रममा स्वागत तथा कार्यक्रमको उद्देश्यमाथि बास नेपालका कार्यकारी निर्देशक नमस्कार शाहले प्रकाश पारेका थिए भने कार्यक्रममा रुम टु रिडले तयार पारेको भिडियो र जीवन उपयोगी सिपका बिषयमा परियोजना संयोजक हेमराज भट्टले जानकारी गराएका थिए ।

कार्यक्रममा जोसिना थारु, संगिता चौधरी र लक्ष्मी चौधरीले अनुभव आदानप्रदान गरेका थिए भने सहभागी अलुम्नाई अस्मा चौधरी, अनुसा थारु, आसारानी थारु लगायतले आफ्नो अनुभव आदानप्रदान गरेका थिए । कार्यक्रममा अल्मुनाइको सफलताको कथा, अनुभव आदानप्रदानसँगै उनीहरुको क्षमता उजागर गर्न ट्यालेन्ट शो समेत गरिएको थियो । कार्यक्रममा बास नेपालका केन्द्रीय महासचिब सुबेदी, सचिब शाह, लुम्बिनी प्रदेश संयोजक खेम बिष्ट, कार्यकारी निर्देशक शाह, परियोजना संयोजक हेमराज भट्ट, पूर्व केन्द्रीय सचिब मन्जु बोहरा, प्रशासन तथा लेखा अधिकृत हंश शाही, सिनियर सामाजिक परिचालक सुस्मिता लामा र रचना चौधरीको उपस्थिति रहेको थियो ।

प्रकाशित मिति: शनिबार, फागुन ३, २०८१ २०:५७

प्रतिक्रिया दिनुहोस्