कोरोना भाइरसः न्यु योर्क र लस एन्जेलेस ठप्प, जि-७ का नेताले भिडियो कन्फेरेन्स गर्दै

विश्व

गृहपृष्ठ
विश्व
कोरोना भाइरसः न्यु योर्क र लस एन्जेलेस ठप्प, जि-७ का नेताले भिडियो कन्फेरेन्स गर्दै

कोरोना भाइरसः न्यु योर्क र लस एन्जेलेस ठप्प, जि-७ का नेताले भिडियो कन्फेरेन्स गर्दै

सोमबार, चैत ३, २०७६ एजेन्सी

एजेन्सी । विश्वव्यापी महामारीको रुप लिँदै गएको कोरोना भाइरसबाट अमेरिकी सहर न्यु योर्क र लस एन्जेलेसको जनजीवन प्रभावित बनेको छ ।

न्यु योर्क र लस एन्जेलेसका बार, रेष्टुरेन्ट र सिनेमा हल बन्द भएका छन् । अधिकारीहरूको निर्देशनपछि बार तथा सिनेमा हल बन्द गरिएको रोइटर्स समाचार माध्यमले जनाएको छ । योसँगै दुबै सहर ठप्प भएको अन्तर्राष्ट्रिय समाचार माध्यमले जनाएका छन् ।

हालसम्म अमेरिकामा कोरोना भाइरसका कारण ६८ जनाको मृत्यु भएको छ । त्यस्तै संक्रमितहरुको संख्या २७१७ पुगेको छ ।

भाइरसले डरलाग्दो रुप लिँदै गएपछि अमेरिकामा आपतकाल घोषणा गरिएको छ । अर्थतन्त्रमाथिको प्रभाव न्यूनीकरण गर्न भन्दै फेडेरल रिजर्भसहित अन्य बैंकले ब्याज दरमा कटौती गरेका छन् । तर सोमबार पनि शेयर बजार र अमेरिकी डलरमा गिरावट आएको छ ।

यता दक्षिण तथा मध्य अमेरिकी मुलुकले भाइरसलाई फैलिन नदिन भन्दै सीमा नाका बन्द गरेका छन् ।

यसै क्रममा विश्वका प्रमुख औद्योगिक राष्ट्र जि-७ का नेताहरूले सोमबार भिडियो कन्फेरेन्स गर्दैछन् । उक्त भिडियो कन्फेरेन्समा कोरोनाको प्रकोपविरुद्ध संयुक्त कदम चाल्नेबारे छलफल हुने समाचारमा बताएको छ ।

प्रकाशित मिति: सोमबार, चैत ३, २०७६ ११:४५

प्रतिक्रिया दिनुहोस्