बागेश्वरी महाआरतीमा सोमबार सात लाख दिप प्रज्वलन (लक्ष्यवर्ती) गरिने

स्थानीय

गृहपृष्ठ
स्थानीय
बागेश्वरी महाआरतीमा सोमबार सात लाख दिप प्रज्वलन (लक्ष्यवर्ती) गरिने

बागेश्वरी महाआरतीमा सोमबार सात लाख दिप प्रज्वलन (लक्ष्यवर्ती) गरिने

आइतबार, साउन १८, २०८२ बागेश्वरी पोस्ट

नेपालगञ्ज । बागेश्वरी महाआरतीमा सोमबार सात लाख दिप प्रज्वलन (लक्ष्यवर्ती) गरिने भएको छ । गुठी व्यवस्थापन समितिका अध्यक्ष गोपाल प्रसाद अधिकारीले महाआरतीमा बाँके र बर्दियाका विभिन्न मठमन्दिरमा मठाधीश, सन्त, महन्तका साथै छिमेकी देश भारतको उत्तर प्रदेशका शक्तिपीठ र मठमन्दिरका महन्तहरूलाई आमन्त्रण गरी श्रावण मास बिशेष बनाउने बताए । अध्यक्ष अधिकारीले नाट्टा बाँके च्याप्टरको संयोजनमा सात लाख दिप प्रज्वलन (लक्ष्यवर्ती) गरिने बताउँदै साउनको अन्तिम सोमबार २६ गते १३३ औं श्रृङ्खला महाआरतीमा रुद्राभिषेक गरेर हरेक भक्तलाई रुद्राक्ष प्रसाद उपलब्ध गराउने तयारी भएको बताउनुभयो । साथै सो अवसरमा महाआरती स्थलमा खुशियालीसहित शान्त र सौम्य आतिसबाजी पनि गरिनेछ ।

गुठी समितिका सदस्य एवम् वागेश्वरी महाआरती सञ्चालन तथा व्यवस्थापन उपसमितिका संयोजक सुनिल सिंह हमालको नेतृत्वमा महाआरती कार्य नियमित रुपमा संचालन हुँदै आएको छ । २०७९ माघ १५ गते महाआरतीको प्रारम्भ भएको थियो । बागेश्वरीमा महाआरतीको प्रारम्भ भएपछि त्यसको सिको गर्दै बाँके र बर्दिया जिल्लाका आधा दर्जन बढी धार्मिक स्थल, नदी र जलाशय क्षेत्रमा महाआरतीको बिस्तार भइरहेको छ । महाआरतीले जिल्लामा आध्यात्मिक जागरण ल्याउनुका साथै हिन्दू धर्ममा आस्था राख्ने सबै समुदायका व्यक्तिहरुबीच सदभाव र भाईचारा वृद्धि गरिरहेको गुठीको विश्वास छ ।

प्रकाशित मिति: आइतबार, साउन १८, २०८२ २१:२२

प्रतिक्रिया दिनुहोस्