प्रमुख प्रशासकीय अधिकृत उपाध्यायलाई जानकी गाउँपालिकामा स्वागत

स्थानीय

गृहपृष्ठ
स्थानीय
प्रमुख प्रशासकीय अधिकृत उपाध्यायलाई जानकी गाउँपालिकामा स्वागत

प्रमुख प्रशासकीय अधिकृत उपाध्यायलाई जानकी गाउँपालिकामा स्वागत

बुधबार, साउन २१, २०८२ बागेश्वरी पोस्ट

नेपालगञ्ज । बाँकेको जानकी गाउँपालिकामा प्रमुख प्रशासकीय अधिकृत परशुराम उपाध्यायलाई स्वागत गरिएको छ । आज आयोजित एक कार्यक्रमका बीच गाउँपालिका अध्यक्ष छब्बन खाँ, वडा अध्यक्षहरु राजकुमार कुर्मी, रमेश कुमार बर्मा, कार्यपालिका सदस्यहरु कान्ति कान्दु, राजेन्द्र सिंह तथा कर्मचारीहरुले उपाध्यायलाई स्वागत गरेका हुन् ।

May be an image of 2 people, dais and text

यसअघिका प्रमुख प्रशासकीय अधिकृत नर बहादुर विक सेवा निवृत्त भई विदाई भए पश्चात उनको ठाउँमा उद्योग बाणिज्य आपूर्ति तथा संरक्षण विभाग बबरमहल काठमाण्डौबाट सरुवा भएर आएका उपाध्यायलाई स्वागत गरिएको हो । प्रमुख प्रशासकीय अधिकृत उपाध्यायको स्वागतमा आयोजित कार्यक्रममा गाउँपालिका अध्यक्ष खाँले जानकीलाई राम्रो बनाउने सवालमा प्रमुख प्रशासकीय अधिकृत उपाध्यायले आफ्नो बाँकी कार्यकाललाई सफल बनाइदिन अहम् भूमिका निभाउने विश्वास ब्यक्त गरे । अध्यक्ष खाँले सबैलाई मिलाएर सबैसँग समन्वय र सहकार्य गरेर उपाध्याय अघि बढ्ने विश्वास व्यक्त गरे ।

त्यसक्रममा प्रमुख प्रशासकीय अधिकृत उपाध्यायले गाउँसभाले लिएका नीति तथा कार्यक्रमहरु, बजेटले तय गरेका उद्देश्यहरु र जनप्रतिनिधिहरुले बनाएका आवधिक योजनाका साथै लुम्बिनी प्रदेशले लिएका नीति, संघीय सरकारले लिएका नीतिलाई स्थानीय स्तरसम्म कार्यान्वयन गर्न आफ्नो महत्वपूर्ण भूमिका रहने बताए । स्वास्थ्य शाखाका प्रमुख दल वहादुर रानाले स्वागत मन्तब्य ब्यक्त गरेको कार्यक्रमको सञ्चालन कृषि शाखा प्रमुख मनोज मण्डलले गरेका थिए ।

प्रकाशित मिति: बुधबार, साउन २१, २०८२ २१:१५

प्रतिक्रिया दिनुहोस्