दिवंगत आफन्तको सम्झनामा नेपालगन्जमा सामूहिक गाईजात्रा

स्थानीय

गृहपृष्ठ
स्थानीय
दिवंगत आफन्तको सम्झनामा नेपालगन्जमा सामूहिक गाईजात्रा

दिवंगत आफन्तको सम्झनामा नेपालगन्जमा सामूहिक गाईजात्रा

आइतबार, साउन २५, २०८२ बागेश्वरी पोस्ट

नेपालगञ्ज । नेपालगञ्जमा गाईजात्रा निकालिएको छ । नेवा: पुच: बाँकेको आयोजनामा आज गाईजात्रा निकालिएको हो । ‘भाषा, संस्कृति तथा परम्पराको जगेर्ना गरौं’ भन्ने मूल नाराका साथ सात परिवारले आफ्ना दिवंगत आफन्तहरूको सम्झनामा सामूहिक गाईजात्रा निकालेका हुन् ।

सुर्खेत रोडस्थित स्वस्तिक कटेजबाट निकालिएको गाईजात्रा धम्बोझी चोक, सहिद सेतु विक चोक, न्युरोड हुँदै बागेश्वरी मन्दिर पार्कसम्म पुगेर सम्पन्न गरिएको थियो । उक्त अवसरमा नेवारी पोशाकमा सजिएका महिला तथा पुरुषहरूले नेवारी भाषाका गीतमा नृत्य प्रस्तुत गर्नुका साथै लाखे नाच पनि देखाएका थिए ।

नेवारी समुदायमा एक वर्षभित्र मृत्यु भएका आफन्तहरूको सम्झनामा गाई वा मानिसलाई गाईको स्वरूपमा सजाएर परिक्रमा गराउने परम्परा छ । जनविश्वास अनुसार यसो गर्दा मृतकले गाईको पुच्छर समाई बैतरणी नदी पार गर्दछन् । नेपालगन्जमा कमलादेवी श्रेष्ठ, राधादेवी श्रेष्ठ, सुशीला चुके, दमयन्ती श्रेष्ठ, माधवलाल श्रेष्ठ, केदारप्रसाद श्रेष्ठ र दिपाकुमारी रेग्मी श्रेष्ठको सम्झनामा गाईजात्रा निकालिएको हो ।

प्रकाशित मिति: आइतबार, साउन २५, २०८२ १८:४३

प्रतिक्रिया दिनुहोस्