रेन परियोजनाबारे विपद जोखिम व्यवस्थापन सम्बन्धि जिल्ला स्तरीय परामर्श वैठक सम्पन्न

स्थानीय

गृहपृष्ठ
स्थानीय
रेन परियोजनाबारे विपद जोखिम व्यवस्थापन सम्बन्धि जिल्ला स्तरीय परामर्श वैठक सम्पन्न

रेन परियोजनाबारे विपद जोखिम व्यवस्थापन सम्बन्धि जिल्ला स्तरीय परामर्श वैठक सम्पन्न

सोमबार, साउन २६, २०८२ बागेश्वरी पोस्ट

नेपालगञ्ञ्ज । नेपालगञ्जमा आज विपद् जोखिम व्यवस्थापन सम्बन्धि परामर्श बैठक सम्पन्न भएको छ । फरेन, कमनवेल्थ एण्ड डेभलपमेन्ट अफिस (एफसिडिओ) को सहयोगमा पिपुल इन निड (पिन) र सामुदायिक आत्मनिर्भर सेवा केन्द्र (सिएसआरसी) ले बाँकेका दुई पालिका राप्तीसोनारी र नरैनापुरमा सञ्चालन गरेको उत्थानशिलता, अनुकुलन र समावेशी नेपाल (रेन) परियोजनाबारे विपद जोखिम व्यवस्थापन सम्बन्धि जिल्ला स्तरीय परामर्श वैठक सम्पन्न गरेको हो ।

जिल्ला विपद ब्यवस्थापन समितिको समन्वयमा सम्पन्न परामर्श वैठकमा जिल्ला समन्वय समिति प्रमुख ज्ञानेन्द्र कुमार चौधरी, उपप्रमुख सीता कार्की, राप्तीसोनारी गाउँपालिका अध्यक्ष तप्त बहादुर पौडेल, बाँकेका सहायक प्रमुख जिल्ला अधिकारी उमाकान्त अधिकारी, जिल्ला प्रहरी प्रमुख एसपी राम प्रसाद घर्ती मगर, सशस्त्र प्रहरी उपरीक्षक शोभाकान्त खनाल, जल तथा मौसम विज्ञान कार्यालय कोहलपुर प्रमुख राम प्रसाद महतो लगायत सरोकारवाला संघ-संस्थाका प्रमुख एवम् प्रतिनिधिको उपस्थिति थियो ।

May be an image of 11 people, table, lighting, dais and text

बैठकमा पिनकी लुम्बिनी प्रदेश प्रमुख समिता पौडेलले परियोजनाबारे जानकारी गराएकी थिइन् । उनले हाल बाँकेका दुई पालिका राप्तीसोनारी र नरैनापुरमा परियोजना सञ्चालन गर्ने जानकारी दिँदै सबैसंग हातेमालो गरेर विपद् जोखिम पहिचान गरेर प्रभावकारी काम गर्ने हिसाबले परियोजना अघि बढेको बताइन् । विपद् जोखिम न्यूनीकरणका लागि पूर्व सूचना प्रणालीलाई प्रभावकारी बनाउने गरी काम गर्ने उनको भनाई छ ।

बैठकमा आपतकालीन कार्य सञ्चालन केन्द्रका सूचना ब्यवस्थापन अधिकृत रुपन ज्ञवालीले जिल्लाका विपद्का क्षेत्रमा भएका नीतिगत निर्णयका बारेमा जानकारी गराएका थिए । बैठकमा सहभागीहरुलाई विभिन्न समूहमा विभाजन गरी समूह कार्यमार्फत विपद् जोखिम न्यूनीकरण र व्यवस्थापनका लागि पूर्व सूचना प्रणाली, उत्थानशिलता, अनुकुलनका क्षेत्रमा गर्नुपर्ने कामहरुबारे छलफल समेत गरिएको थियो ।

May be an image of 7 people, table, lighting, dais and text