विश्व फोटोग्राफी दिवसः बर्णवाल र रिजाल सम्मानित, मन्दिर परिसरमा बृक्षारोपण

स्थानीय

गृहपृष्ठ
स्थानीय
विश्व फोटोग्राफी दिवसः बर्णवाल र रिजाल सम्मानित, मन्दिर परिसरमा बृक्षारोपण

विश्व फोटोग्राफी दिवसः बर्णवाल र रिजाल सम्मानित, मन्दिर परिसरमा बृक्षारोपण

मंगलबार, भदौ ३, २०८२ बागेश्वरी पोस्ट

नेपालगञ्ज । १८६औं विश्व फोटोग्राफर दिवसको अवसरमा बाँकेमा बृक्षारोपण र सम्मान कार्यक्रम सम्पन्न गरिएको छ । बाँके फोटोग्राफर तथा भिडियोग्राफर संघले आज नेपालगञ्जमा दुई छुट्टाछुट्टै कार्यक्रमको आयोजना गरेर दिवस मनाएको हो ।

नेपाल पत्रकार महासंघ बाँके शाखाको सभाहलमा आयोजित सम्मान कार्यक्रममा दुई जना बरिष्ठ ब्यक्तित्वहरुलाई सम्मान गरिएको छ । अध्यक्ष सिवेन्द्र भण्डारीको अध्यक्षता एवम् केन्द्रीय सदस्य निलराज अधिकारीको प्रमुख आतिथ्यतामा सम्पन्न कार्यक्रममा अमर र दुर्गा फोटो स्टुडियोका सञ्चालक दुर्गा प्रसाद बर्णवाल तथा इमेज र हिकोला कलर ल्याबका सञ्चालक मधुसुदन शर्मा रिजाललाई माला, खादा र सम्मानपत्रसहित सम्मान गरिएको हो । फोटोग्राफीमा लामो समयदेखि पुर्याएको योगदानको कदर गर्दै दुई जनालाई सम्मान गरिएको हो । बर्णवालले वि.सं. २०३५ तथा रिजालले २०४५ सालदेखि नेपालगञ्जमा फोटो स्टुडियो सञ्चालन गरेका थिए ।

कार्यक्रममा प्रमुख अतिथि केन्द्रीय सदस्य अधिकारी, विशिष्ट अतिथि नेपाल पत्रकार महासंघ बाँकेका अध्यक्ष नवीन गिरी तथा अतिथिहरु नेपालगञ्ज उद्योग बाणिज्य संघका अध्यक्ष टंक बहादुर धामी, पत्रकार महासंघ बाँकेका संस्थापक अध्यक्ष लियाकत अलि, सम्मानित ब्यक्तित्वहरु बर्णवाल र रिजाल, बर्दिया फोटोग्राफर तथा भिडियाग्राफर संघका अध्यक्ष केशव प्रसाद रिजाल लगायतले शुभकामना मन्तब्य ब्यक्त गरेका थिए । कार्यक्रममा फोटोग्राफीको इतिहास, महत्व, चुनौति र सम्भावनाबारे चर्चा गरिएको थियो । महासचिव भक्त देवकोटाले सञ्चालन गरेको कार्यक्रममा लुम्बिनी प्रदेश उपाध्यक्ष खगेन्द्र गौतमले स्वागत मन्तब्य ब्यक्त गरेका थिए ।

यसैबीच दिवसकै अवसरमा आज नेपालगञ्ज २० राँझा एअरपोर्टस्थित पशुपति मन्दिर परिसरमा बृक्षारोपण पनि गरिएको जिल्ला अध्यक्ष भण्डारीले जानकारी दिए ।

प्रकाशित मिति: मंगलबार, भदौ ३, २०८२ २१:३०

प्रतिक्रिया दिनुहोस्