पुस्तकालय दिवसको अवसरमा छलफल तथा उत्कृष्ट पाठकलाई सम्मान

स्थानीय

गृहपृष्ठ
स्थानीय
पुस्तकालय दिवसको अवसरमा छलफल तथा उत्कृष्ट पाठकलाई सम्मान

पुस्तकालय दिवसको अवसरमा छलफल तथा उत्कृष्ट पाठकलाई सम्मान

आइतबार, भदौ १५, २०८२ बागेश्वरी पोस्ट

नेपालगञ्ज । १८औं पुस्तकालय दिवसको अवसरमा बास नेपालले पुस्तकालयको महत्वबारे छलफल तथा एक जना उत्कृष्ट पाठकलाई सम्मान गरेको छ । बास नेपाल केन्द्रीय कार्यालयद्वारा सञ्चालित असल शासन सूचना केन्द्रमार्फत बर्षभरी पुस्तकको अध्ययन, उपयोग तथा पुस्तकालयको महत्वका बारेमा प्रचार गरेको आधारमा उक्त सम्मान गरिएको हो । असल शासन सूचना केन्द्रमार्फत सबैभन्दा बढी पुस्तक अध्ययन गर्ने, उपयोग गर्ने र पुस्तकालयको महत्वका बारेमा प्रचारप्रसार गर्ने दिनेश चौधरीलाई सम्मानपत्र, खादा र मायाको चिनोसहित सम्मान गरिएको थियो ।

बास नेपालका केन्द्रीय अध्यक्ष शिव कुमार वर्माको अध्यक्षतामा असल शासन सूचना केन्द्रमा भएको कार्यक्रममा नेपालमा पुस्तकालयको इतिहास, महत्व र उपयोगका बिषयमा बास नेपालका निर्देशक हेमराज भट्टले जानकारी गराएका थिए । उत्कृष्ट पाठक सम्मान पश्चात बोल्दै सम्मानित युवा चौधरीले पुस्तकालयमा गएर पुस्तक पढ्न पाउँदा अत्यन्तै खुसी लाग्ने बताए । उनले असल शासन सूचना केन्द्रमार्फत लोकसेवा, क्याम्पसका पुस्तकसँगै विभिन्न उपन्यास, जिवनी र धार्मिक तथा साहित्यिक पुस्तकहरु समेत पढ्ने अवसर पाएको बताए । उनले असल शासन सूचना केन्द्रले गर्दा उत्प्रेरणा थपिएको प्रतिक्रिया दिए ।

कार्यक्रममा स्वागत तथा असल शासन सूचना केन्द्रको बारेमा जानकारी गराउँदै केन्द्रकी संयोजक रमिता शाहले पुस्तकालयमा सबै प्रकारका पुस्तकहरु र इन्टरनेटको समेत ब्यवस्था रहेकाले उपयोग गर्न सबैलाई अनुरोध गरिन् । असल शासन सूचना केन्द्रमार्फत गठन भएका रिडर्स क्लब, बिद्यार्थी र लोक सेवा तयारी तथा साहित्यमा रुची राख्ने युवाहरु बढी मात्रामा आउने गरेको बताइन् । कार्यक्रमको सञ्चालन बास नेपालका जनसम्पर्क अधिकृत माधब कार्कीले गरेका थिए ।

प्रकाशित मिति: आइतबार, भदौ १५, २०८२ २१:४४

प्रतिक्रिया दिनुहोस्