नेपालगञ्ज कार्य क्षेत्र रहेका गैरसरकारी संस्थाहरुको 'बार्षिक प्रगति समिक्षा कार्यक्रम'

स्थानीय

गृहपृष्ठ
स्थानीय
नेपालगञ्ज कार्य क्षेत्र रहेका गैरसरकारी संस्थाहरुको 'बार्षिक प्रगति समिक्षा कार्यक्रम'

नेपालगञ्ज कार्य क्षेत्र रहेका गैरसरकारी संस्थाहरुको 'बार्षिक प्रगति समिक्षा कार्यक्रम'

बुधबार, भदौ १८, २०८२ बागेश्वरी पोस्ट

नेपालगञ्ज । नेपालगञ्ज कार्य क्षेत्र रहेका गैरसरकारी संस्थाहरुको बार्षिक प्रगति समिक्षा कार्यक्रम सम्पन्न भएको छ । नेपालगञ्ज उपमहानगरपालिकाको आयोजनामा गैरसरकारी संस्थाहरुद्वारा उपमहानगर क्षेत्रमा सञ्चालन गरी सम्पन्न भएका परियोजनाहरुको आर्थिक बर्ष २०८१/८२ को बार्षिक प्रगति समिक्षा तथा चालू आर्थिक बर्ष २०८२/८३ मा सञ्चालन हुने परियोजनाहरुको प्रस्तुति कार्यक्रम सम्पन्न गरिएको सामाजिक विकास एवम् गैसस शाखा प्रमुख कृष्ण प्रसाद जोशीले बताए । कार्यक्रममा दुई दर्जन संघ संस्थाका प्रमुख एवम् प्रतिनिधिले गत आर्थिक बर्षमा गरेका क्रियाकलाप र चालू आर्थिक बर्षमा हुने कार्यक्रमबारे प्रस्तुतिकरण गरेका थिए ।

May be an image of 7 people, people studying, speaker and text

त्यसअघि उद्घाटन कार्यक्रम सम्पन्न भएको थियो । कार्यक्रमको उद्घाटन नगर प्रमुख प्रशान्त विष्टले गरेका थिए । कार्यक्रम उद्घाटन गर्दै उनले नेपालगञ्जको विकास र समृद्धिका लागि संघ संस्थासंग हातेमालो गर्दै अघि बढिरहेको बताए । उनले संघ संस्थाबीच काम गर्दा समन्वय हुनुपर्नेमा जोड दिँदै 'डुप्लिकेशन' हुन नहुनेमा सजग रहनुपर्ने बताए । समाजमा तात्विक परिवर्तन आउने गरी कार्यक्रम र परियोजनाहरु केन्द्रित हुनुपर्ने उनको भनाई छ । प्रमुख प्रशासकीय अधिकृत रामहरि शर्माले नागरिक र समाजको आवश्यकता बोध गरी त्यसै प्रकारका कार्यक्रम डिजाइन गरेर कार्यान्वयन गर्दा परिणाममुखी हुने भन्दै त्यसका लागि सहकार्य गर्न नेपालगञ्ज उमहानगरपालिका सधैं तत्पर रहने बताए । उपप्रमुख कमरुद्दिन राईको अध्यक्षतामा उद्घाटन सत्र सम्पन्न भएको थियो ।

उद्घाटन कार्यक्रममा नेपालगञ्ज उपमहानगरपालिकाका विभिन्न विषयगत समितिका संयोजक, नेपाल पत्रकार महासंघ बाँकेका अध्यक्ष नवीन गिरी, गैरसरकारी संस्था महासंघ बाँकेका कार्यबहाक अध्यक्ष रमेश सिटौला लगायतको उपस्थिति थियो ।

May be an image of 5 people and dais