डुडुवाका नागरिकलाई त्रिपाल वितरण

स्थानीय

गृहपृष्ठ
स्थानीय
डुडुवाका नागरिकलाई त्रिपाल वितरण

डुडुवाका नागरिकलाई त्रिपाल वितरण

सोमबार, भदौ २३, २०८२ बागेश्वरी पोस्ट

डुडुवा (बाँके) । डुडुवा गाउँपालिकाले गरिब तथा विपन्न परिवारलाई प्लाष्टिक त्रिपाल वितरण गरेको छ । फुस तथा कच्ची घरमा भएका परिवारलाई बर्षाको समयमा ओत लाग्नका लागि पालिकाले प्लाष्टिक त्रिपाल र डोरी वितरण गरेको पालिका अध्यक्ष नरेन्द्रकुमार चौधरीले बताए । उनका अनुसार डुडुवा बाढी प्रभावित क्षेत्र भएको र यहाँका अधिकांश नागरिक गरिबीमा परी सबैले पक्की घर निर्माण गर्न नसकेका परिवारलाई वर्षाको समयमा घरमा बस्न सहजताका लागि त्रिपाल वितरण गरिएको हो ।

पालिकाको वडा नं. १ देखि ६ सम्म करिब तीन हजार घरधुरीलाई त्रिपाल र डोरी वितरण गरिएको पालिकाका प्रमुख प्रशासकीय अधिकृत अशोक कुमार पाण्डेयले जानकारी दिए । पालिकाले बाढी तथा डुबान पीडितहरुको लागि विभिन्न स्थानमा आश्रयस्थल निर्माण गरेको छ । पालिकाले स्वास्थ्य, कृषि, तथा पशु सेवालाई घरघरमा पुगेर नियमित रुपमा नागरिकलाई प्रभावकारी सेवा प्रदान गर्दै आएको छ ।

प्रकाशित मिति: सोमबार, भदौ २३, २०८२ १८:०४

प्रतिक्रिया दिनुहोस्