खजुराको पेडारी नालामा ४ लेनको पक्की पुल बन्दै

स्थानीय

गृहपृष्ठ
स्थानीय
खजुराको पेडारी नालामा ४ लेनको पक्की पुल बन्दै

खजुराको पेडारी नालामा ४ लेनको पक्की पुल बन्दै

बिहीबार, कात्तिक १३, २०८२ बागेश्वरी पोस्ट

बाँके । नेपालगञ्ज–गुलरिया सडकखण्ड अन्तर्गत खजुरा गाउँपालिका–३ पेडारी नालामा चार लेनको पक्की पुल निर्माण सुरु भएको छ । छ दशक अघि पेडारी नालामा निर्मित पुल साँघुरो र जीर्ण भएकाले नवनिर्माण थालिएको हो ।

नेपालगञ्जस्थित हुलाकी राजमार्ग निर्देशनालय, योजना कार्यालयका सूचना अधिकारी कृष्ण पाण्डेका अनुसार रु. आठ करोड ९६ लाख तीन हजार ४६८ मा निर्माण कम्पनीसँग चार लेनको पक्की पुल बनाउने सम्झौता भएको छ । आगामी वैशाख भित्रमा निर्माण पूरा गर्ने गरी सम्झौता भएको हो ।

एकतर्फी रूपमा सवारीसाधन सञ्चालन हुने गरी पुलको एक भाग निर्माण नभएसम्म सवारी व्यवस्थापनका लागि पुरानो पुल नभत्काइने उनले बताए ।

हुलाकी सडक र खजुरा बजारको सडक विस्तारका क्रममा पनि निर्माण हुन नसकेको पुल चार लेनको बन्ने भएपछि बर्खामा बाँके र बर्दियाका सर्वसाधारणलाई यात्रा गर्न सहज हुनेछ । रासस

प्रकाशित मिति: बिहीबार, कात्तिक १३, २०८२ ०९:४०

प्रतिक्रिया दिनुहोस्