नेपालगन्जको जमुनाहाबाट कैलालीका युवक ठूलो परिमाणको प्रतिवन्धित औषधिसहित पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनाहाबाट कैलालीका युवक ठूलो परिमाणको प्रतिवन्धित औषधिसहित पक्राउ

नेपालगन्जको जमुनाहाबाट कैलालीका युवक ठूलो परिमाणको प्रतिवन्धित औषधिसहित पक्राउ

शुक्रबार, कात्तिक १४, २०८२ बागेश्वरी पोस्ट

बाँके । बाँकेको नेपालगन्ज सीमा नाकाबाट प्रहरीले ठूलो परिमाणमा प्रतिवन्धित औषधिसहित एक जना युवकलाई पक्राउ गरेको छ ।

जिल्ला प्रहरी कार्यालय बाँकेका अनुसार नेपालगन्ज-१५ स्थित जमुनाहा चेकपोष्टबाट कैलालीको लम्कीचुहा नगरपालिका-१ का दिनेश रेग्मीलाई ६ सय ट्याबलेट प्रतिवन्धित औषधि एभिल (२५ एमजी) र ६ सय एभिल (५० एमजी) ट्याबलेटसहित इलाका प्रहरी कार्यालय जमुनाहाको टोलीले पक्राउ गरेको हो ।

दिनेशलाई प्रहरीले चेकजाँचका क्रममा भारतको रुपइडिहाबाट अवैध रुपले लुकाएर ल्याउँदै गरेको अवस्थामा उक्त परिमाणको प्रतिवन्धित औषधिसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

बिहीवार साँझ पक्राउ परेका दिनेशलाई हिरासतमा लिएर थप आबश्यक अनुसन्धान अगाडि बढाएको जिल्ला प्रहरी कार्यालय बाँकेले जनाएको छ ।

प्रकाशित मिति: शुक्रबार, कात्तिक १४, २०८२ १४:१४

प्रतिक्रिया दिनुहोस्