कोहलपुर नगरपालिकालाई २५ थान दराज सहयोग

स्थानीय

गृहपृष्ठ
स्थानीय
कोहलपुर नगरपालिकालाई २५ थान दराज सहयोग

कोहलपुर नगरपालिकालाई २५ थान दराज सहयोग

शुक्रबार, कात्तिक १४, २०८२ बागेश्वरी पोस्ट

नेपालगञ्ज । कोहलपुर उद्योग बाणिज्य संघले कोहलपुर नगरपालिकालाई २५ थान दराज उपलब्ध गराएको छ । आज नगरपालिकामा ती दराजहरु नगर प्रमुख पूर्ण प्रसाद आचार्यलाई हस्तान्तरण गरिएको संघका अध्यक्ष प्रदीप भट्टराईले जानकारी दिए । भदौ २४ गते जेन-जी आन्दोलनका क्रममा नगरपालिकामा आगजनी र तोडफोड गरिएको थियो । आगजनीका कारण नगरपालिका पूरै ध्वस्त भएको थियो ।

‘उत्पन्न विषम् परिस्थितिका कारण नगरपालिकाको सेवा प्रवाहमै समस्या आइरहेको अवस्थामा संघले सामाजिक उत्तरदायित्व सम्झेर कार्यालय प्रयोजनका लागि २५ थान दराज उपलब्ध गराएको हो,' अध्यक्ष भट्टराईले भने–‘आवश्यक सहयोगका लागि संघ प्रतिवद्ध छ ।’ त्यसक्रममा नगर प्रमुख आचार्यले संघलाई धन्यवाद दिए । जेन-जी आन्दोलनका क्रममा भएको आगजनीबाट नगरपालिका ध्वस्त भएको अवस्थामा नगरपालिकाका महत्वपूर्ण दस्तावेज राख्ने ठाउँको समेत अभाव भइरहेको अवस्थामा संघले दराज सहयोग गरेकाले ठूलो राहत मिलेको बताए । कार्यक्रममा नगरपालिकाका जनप्रतिनिधि, संघका पदाधिकारी तथा कार्यसमिति सदस्यहरु उपस्थित थिए ।

प्रकाशित मिति: शुक्रबार, कात्तिक १४, २०८२ २०:३९

प्रतिक्रिया दिनुहोस्