नेपालगञ्ज उपमहानगरपालिकाद्वारा अनुदानमा गहुँको उन्नत बीउ वितरण

स्थानीय

गृहपृष्ठ
स्थानीय
नेपालगञ्ज उपमहानगरपालिकाद्वारा अनुदानमा गहुँको उन्नत बीउ वितरण

नेपालगञ्ज उपमहानगरपालिकाद्वारा अनुदानमा गहुँको उन्नत बीउ वितरण

बिहीबार, कात्तिक २७, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले अनुदानमा गहुँको उन्नत बीउ वितरण गरेको छ । नेपालगञ्ज उपमहानगरपालिका कृषि शाखामार्फत खाद्यान्न बाली गहुँको उन्नत बीउमा ५० प्रतिशत अनुदानमा कृषकहरुलाई वितरण कार्यक्रम अन्तर्गत विजय र बाणगंगा जातको उन्नत बीउ वितरण गरिएको हो ।

नेपालगञ्ज उपमहानगरपालिकाभरिका आम किसानहरुलाई लक्षित गरी बितरण गर्नु पूर्व बीउ माग संकलनका लागि ७ दिने सूचना प्रकाशन गरिएको थियो । उक्त समयभित्र माग गर्न आएका किसानहरुलाई बीउ बितरण गरिएको कृषि शाखाका नायब प्राविधिक सहायक भुवन प्रसाद पन्तले बताए ।

कृषक, सहकारी र वडा कार्यालय समेत गरी १७७ जनालाई ११ हजार ७ सय ९० किलोग्राम उन्नत जातको गहुँको बीउ वितरण गरिएको कृषि शाखा प्रमुख अम्बिका रिजालले जानकारी दिइन् ।

प्रकाशित मिति: बिहीबार, कात्तिक २७, २०८२ १८:२८

प्रतिक्रिया दिनुहोस्