'मर्यादाका लागि महिला आवाज' संस्थाले काम थाल्यो, बादी महिलाको उत्थानमा काम गर्ने

स्थानीय

गृहपृष्ठ
स्थानीय
'मर्यादाका लागि महिला आवाज' संस्थाले काम थाल्यो, बादी महिलाको उत्थानमा काम गर्ने

'मर्यादाका लागि महिला आवाज' संस्थाले काम थाल्यो, बादी महिलाको उत्थानमा काम गर्ने

आइतबार, कात्तिक ३०, २०८२ बागेश्वरी पोस्ट

नेपालगञ्ज । बादी समुदायको समग्र विकासमा काम गर्ने उद्देश्यले मर्यादाका लागि महिला आवाज नामक संस्थाले बाँके जिल्लामा काम शुरु गरेको छ । नेपालगञ्ज उपमहानगरपालिकामा कार्यालय स्थापना गरी कार्य थालेको संस्थाको आज एक कार्यक्रमका बीच जिल्ला समन्वय समिति बाँकेका प्रमुख ज्ञानेन्द्र कुमार चौधरीले शुभारम्भ गरे । संस्थाको शुभारम्भसंगै आज नै बादी समुदायको अवस्था, समस्या, सम्भावना र सरोकारवालाको भूमिकाबारे आगामी कार्यदिशा बिषयक अन्तरक्रिया कार्यक्रम सम्पन्न भएको छ । मर्यादाका लागि महिला आवाजका अध्यक्ष बसन्ती नेपालीको अध्यक्षता तथा जिल्लास्थित सरोकारवालाहरुको उपस्थितिमा उक्त अन्तरक्रिया सम्पन्न भएको हो ।

कार्यक्रममा बोल्दै प्रमुख अतिथि जिल्ला समन्वय समिति बाँकेका प्रमुख चौधरीले बादी समुदायको विकासमा कार्य गर्ने उद्देश्यले काम थालेको संस्थालाई सफलताको शुभकामना दिए । उनले बादी समुदायका लागि कार्य गर्ने विभिन्न कार्यक्रमहरु भए पनि बादी महिलाका लागि लक्षित गरी कार्य गर्ने उद्देश्य राखेको यस संस्थाले वास्तविक महिलाहरुलाई अगाडि बढाउन महत्वपूर्ण भूमिका खेल्ने विश्वास ब्यक्त गरे । उनले संस्थालाई आवश्यकता अनुसार सहयोग गर्ने प्रतिबद्धता ब्यक्त गरे ।

नेपालगञ्ज उपमहानगरपालिका महिला वालवालिका तथा जेष्ठ नागरिक शाखा प्रमुख पबित्रा पुरीले संस्थाले कार्य प्रारम्भ गरेकोमा बधाई ज्ञापन गर्दै लक्षित बर्ग उत्थानमा सहयोगी हुने विश्वास ब्यक्त गरिन् । जिल्ला प्रहरी कार्यालय महिला सेलका प्रहरी सहायक निरीक्षक चन्द्रिका खनालले बादी समुदायका महिलाहरुका लागि कार्य थालेकोमा खुसी लागेको बताउदै नेपाल प्रहरीले आवश्यकता अनुसार संस्थालाई सहयोग गर्ने प्रतिबद्धता ब्यक्त गरिन् । अन्तरक्रिया कार्यक्रममा बोल्दै नेपाल पत्रकार महासंघ बाँकेका अध्यक्ष नवीन गिरीले बादी समुदायका बिषयमा समाजमा बिद्यमान गलत धारणा मेटाउन सफल रहेको भन्दै अबको समय बादी समुदायका महिलाहरुलाई अन्य सरह अगाडि बढाउनुपर्ने समय आएको बताए । उनले शिक्षामा सुधार गर्दै अगाडि बढाउन संस्था सफल हुने विश्वास ब्यक्त गरे ।

May be an image of one or more people, dais and text

गैसस महासंघ बाँकेका सहसचिब परिना चौधरीले आफ्नो लागि आफैं गरौं भन्ने उद्देश्यले अगाडि बढेको संस्थाले परिणाम ल्याउने विश्वास ब्यक्त गरिन् । उनले गैसस महासंघले संस्थालाई आवश्यकता अनुसार सहयोग गर्ने प्रतिबद्धता जनाइन् । अन्तरक्रियाको खुल्ला सत्रमा फातिमा फाउण्डेसनका सुवेदा फरविन, फेडोका दिलिसा गौतम, गैसस महासंघका गणेश भट्टराई, तारा खत्री, बास नेपालका शोभा थापा मगर, पत्रकार रुपा गहतराज, सोम गुरुंग, नारी विकास केन्द्रका रचना श्रेष्ठ लगायतले बोलेका थिए । बास नेपालका निर्देशक हेमराज भट्टले सहजीकरण गरेको अन्तरक्रियामा मर्यादाका लागि महिला आवाजको स्थापना, उद्देश्य र योजनाका बारेमा जानकारी गराउदै धन्यबाद ज्ञापनसहित कार्यक्रमको समापन संस्थाका अध्यक्ष नेपालीले गरेकी थिइन् ।

May be an image of one or more people, dais and text May be an image of table, lighting and dais