कोहलपुरले लैंगिक हिंसा विरुद्धको १६ दिने अभियानमा विभिन्न कार्यक्रम गर्ने

स्थानीय

गृहपृष्ठ
स्थानीय
कोहलपुरले लैंगिक हिंसा विरुद्धको १६ दिने अभियानमा विभिन्न कार्यक्रम गर्ने

कोहलपुरले लैंगिक हिंसा विरुद्धको १६ दिने अभियानमा विभिन्न कार्यक्रम गर्ने

शुक्रबार, मंसिर ५, २०८२ बागेश्वरी पोस्ट

नेपालगञ्ज । कोहलपुर नगरपालिकाले लैंगिक हिंसा विरुद्धको १६ दिने अभियानमा विभिन्न कार्यक्रम गर्ने भएको छ । कोहलपुर नगरपालिका महिला बालबालिका तथा समावेशीकरण उपशाखाको आयोजनामा शुक्रबार बसेको बैठकले १६ दिने अभियानलाई प्रभावकारी बनाउने निर्णय गरेको उपशाखा प्रमुख घटना शाहले जानकारी दिइन् । उनका अनुसार नगर उपप्रमुख संगिता सुवेदीको प्रमुख आतिथ्यतामा बसेको बैठकले अभियानलाई सार्थक पार्न हिंसा विरुद्ध क्रियाशील संघसंस्थाहरुसँग समन्वय र सहकार्यमा विभिन्न कार्यक्रम गर्ने निर्णय गरेको हो ।

प्रभातफेरी, सडक नाटक, विद्यालय केन्द्रित जनचेतनामूलक कार्यक्रम, लैंगिक हिंसा विरुद्ध तथा आत्महत्या रोकथाम सम्वन्धि अन्तरक्रिया, अपांगता भएका व्यक्ति लक्षित कार्यक्रमदेखि दिप प्रज्जवलनसम्मका कार्यक्रम गर्ने निर्णय भएको उपशाखाका अधिकृत तारा भण्डारीले बताइन् । कार्यक्रमलाई प्रभावकारी तथा सफल बनाउन आर्थिक विकास समितिका संयोजक अनिता बुढा क्षेत्रीको संयोजकत्वमा ९ सदस्यीय समिति समेत बनाइएको छ । समितिको सदस्यमा समाज सुधार संस्थाका शंकर न्यौपाने, रेडक्रसका युवराज पोख्रेल, अपांग नवजीवन केन्द्रका जंगबहादुर डाँगी, वैभव लक्ष्मीका कमलाकान्ती न्यौपाने, प्रहरीका तर्फबाट दिया सुनार, कोहलपुर नगरपालिकाका प्रेस संयोजक प्रियास्मृति ढकाल र सदस्य सचिवमा तारा भण्डारी रहेका छन् ।

प्रकाशित मिति: शुक्रबार, मंसिर ५, २०८२ १८:२०

प्रतिक्रिया दिनुहोस्