बादी महिलाको समस्या र स्थानीय नीति-योजना सम्बन्धि छलफल

स्थानीय

गृहपृष्ठ
स्थानीय
बादी महिलाको समस्या र स्थानीय नीति-योजना सम्बन्धि छलफल

बादी महिलाको समस्या र स्थानीय नीति-योजना सम्बन्धि छलफल

मंगलबार, पुस १५, २०८२ बागेश्वरी पोस्ट

नेपालगञ्ज । मर्यादाको लागि महिला आवाजले बादी महिलाको समस्या र स्थानीय नीति-योजना सम्बन्धि छलफल कार्यक्रम गरेको छ । संस्थाकी अध्यक्ष बसन्ती नेपालीको अध्यक्षता एवम् जिल्ला समन्वय समिति बाँकेकी उपप्रमुख सीता कार्कीको प्रमुख आतिथ्यतामा सम्पन्न कार्यक्रममा सहभागी सरोकारवालाहरुले बादी समुदायका महिलाको शिक्षामा सहज पहुँचका साथै रोजगारीका अवसर सिर्जना गर्दै आत्मनिर्भरता प्रबद्र्धनका लागि ब्यवहारबादी भएर काम गर्नुपर्नेमा जोड दिए । बादी समुदायमा सचेतना प्रबद्र्धन गर्दै शिक्षा आर्जन र कामको अवसर प्रदान गर्न उपयुक्त वातावरण निर्माणमा समेत जोड दिइएको छ ।

छलफल कार्यक्रममा उपप्रमुख कार्की, नेपालगञ्ज वडा नम्बर ९ का वडा अध्यक्ष गोविन्द रेग्मी, नेपालगञ्ज उपमहानगरपालिका महिला, बालबालिका तथा जेष्ठ नागरिक शाखा प्रमुख पवित्रा पुरी, नेपाल पत्रकार महासंघ बाँकेका अध्यक्ष नवीन गिरी लगायत सरोकारवाला निकाय र संघसंस्थाका प्रतिनिधिले सबैको हातेमालो र सहयोगले बादी महिलाका समस्यामा एकाकार भएर काम गर्न सकिने बताए । कार्यक्रमको सहजीकरण बासका माधव कार्कीले गरेका थिए ।

नेपालगञ्ज-७ स्थित संस्था मर्यादाको लागि महिला आवाजले ब्रिटिश काउन्सिल र दलित लाइभ्स म्याटरको सहकार्यमा काम गरिरहेको छ । संस्थाकी अध्यक्ष नेपालीले बादी महिलाको उत्थानका लागि काम गरिरहेको बताइन् ।

May be an image of one or more people, people studying and text