नेपालगन्ज उपमहानगरपालिकाको एकीकृत बाल संरक्षण मस्यौदामाथि छलफल

स्थानीय

गृहपृष्ठ
स्थानीय
नेपालगन्ज उपमहानगरपालिकाको एकीकृत बाल संरक्षण मस्यौदामाथि छलफल

नेपालगन्ज उपमहानगरपालिकाको एकीकृत बाल संरक्षण मस्यौदामाथि छलफल

सोमबार, पुस २१, २०८२ बागेश्वरी पोस्ट

नेपालगन्ज । नेपालगन्ज उपमहानगरपालिकाको एकीकृत बाल संरक्षण कार्यविधिको मस्यौदामाथि छलफल गरिएको छ । नेपालगन्ज उपमहानगरपालिकाले तयार पारेको 'बाल अधिकार संरक्षण, संवर्द्धन तथा प्रवर्द्धन सम्बन्धि एकीकृत कार्यविधि २०८२' को मस्यौदामाथि आज छलफल गरिएको हो । विज्ञ नारायण प्रसाद घिमिरेले कार्यविधिको मस्यौदा प्रस्तुतिकरण गरेका थिए ।

त्यसक्रममा सहभागीहरुले आवश्यक सुझाव र पृष्ठपोषण दिएका थिए । कार्यविधि व्यवहारिक र कार्यान्वयनयोग्य बनाउनुपर्नेमा उनीहरूको जोड छ । नेपालगन्ज उपमहानगरपालिका महिला, बालबालिका तथा जेष्ठ नागरिक शाखा प्रमुख पवित्राकुमारी पुरीले प्राप्त सुझाब र पृष्ठपोषणलाई समेटेर कार्यविधिलाई अझ परिपक्व बनाइने बताइन् ।

कानुन शाखा प्रमुख माया शर्माले कानुनी प्रावधानबारे जानकारी गराउँदै सुझाब मागेकी थिइन् । शिक्षा महाशाखा प्रमुख गोर्ख बहादुर थापाको अध्यक्षतामा सम्पन्न कार्यक्रममा सरोकारवालाको उपस्थिति थियो ।

प्रकाशित मिति: सोमबार, पुस २१, २०८२ ११:४७

प्रतिक्रिया दिनुहोस्