वाटरपार्कमा 'अस्फाल्ट' पीच सडक निर्माण कार्य सुरु

स्थानीय

गृहपृष्ठ
स्थानीय
वाटरपार्कमा 'अस्फाल्ट' पीच सडक निर्माण कार्य सुरु

वाटरपार्कमा 'अस्फाल्ट' पीच सडक निर्माण कार्य सुरु

शुक्रबार, चैत १३, २०८२ बागेश्वरी पोस्ट

नेपालगञ्ज । नेपालगञ्जको वाटरपार्कमा अस्फाल्ट पीच सडक निर्माण कार्य सुरु भएको छ । नगर प्रमुख प्रशान्त विष्टले अस्फाल्ट पीच सडक निर्माण कार्यको शुक्रबार शिलान्यास गरेका छन् । वाटरपार्क जग्गा एकीकरण आयोजना क्षेत्रभित्र नेपालगञ्ज नगर विकास समितिको कोष अन्तर्गत सडक निर्माण कार्य थालिएको हो । यही चैत ४ गते निर्माण सम्झौता भएको उक्त सडक २०८३ असार ३० गतेसम्म निर्माण सम्पन्न हुनेछ ।

३ करोड ९२ लाखमा ठेक्का खोलेकोमा ठेकेदार कम्पनी मैटहवा साइमान निर्माण प्रालिसंग २ करोड ६१ लाख रुपैयाँमा सम्झौतामा भएको नेपालगञ्ज उपमहानगरपालिकाकी सिभिल इन्जिनियर इश्वरी सापकोटाले बताइन् । नगर विकास समितिमा पनि थप कार्य जिम्मेवारीमा रहेकी सापकोटाले ठेकेदार कम्पनीले तदारुकताका साथ काम अघि बढाउने विश्वास ब्यक्त गरिन् । उक्त सडकको लम्बाई १४ सय मिटर र चौडाई ७ मिटर रहने सापकोटाले जानकारी दिइन् ।

नगर प्रमुख विष्टले तोकिएकै समयावधिमा गुणस्तरीय सडक निर्माण गर्न निर्देशन दिए । यो सडक निर्माण सम्पन्न भएसंगै पर्यटकीय क्षेत्र वाटरपार्कमा आवतजावत गर्न सहज हुने बताए । नेपालगञ्जको पर्यटन प्रबद्र्धनमा वाटरपार्क क्षेत्र एक महत्वपूर्ण गन्तब्य रहेको उनको भनाई छ । सडक शिलान्यास कार्यक्रममा वडा नम्बर १ का वडा अध्यक्ष एवम् नगर प्रबक्ता प्रमोद रिजाल लगायतको उपस्थिति थियो ।

प्रकाशित मिति: शुक्रबार, चैत १३, २०८२ १८:१४

प्रतिक्रिया दिनुहोस्