नेपालगञ्जमा १८ छाडा पशुचौपाया नियन्त्रणमा, कान्जीहाउसमा व्यवस्थापन

स्थानीय

गृहपृष्ठ
स्थानीय
नेपालगञ्जमा १८ छाडा पशुचौपाया नियन्त्रणमा, कान्जीहाउसमा व्यवस्थापन

नेपालगञ्जमा १८ छाडा पशुचौपाया नियन्त्रणमा, कान्जीहाउसमा व्यवस्थापन

मंगलबार, भदौ २३, २०८३ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले नगर क्षेत्रभित्र छाडा अवस्थामा रहेका १८ वटा पशुचौपाया नियन्त्रणमा लिएर कान्जीहाउसमा व्यवस्थापन गरेको छ ।

उपमहानगरपालिकाका अनुसार आज बिहान ६ बजेदेखि सञ्चालन गरिएको अभियानका क्रममा वडा नं. २१ बिर्तास्थित कान्जीहाउसमा छाडा पशुचौपाया संकलन गरी राखिएको हो ।

संकलन गरिएका पशुचौपायामध्ये २ वटा बाच्छा/बाछी तथा १६ वटा घोडा, घोडी र बछेरा रहेका छन् ।

नगर प्रहरी प्रमुख सूर्यबहादुर बोगटीका अनुसार नगर क्षेत्रमा छाडा पशुचौपायाका कारण सडक आवागमन तथा दुर्घटनाको जोखिम बढ्ने भएकाले उपमहानगरपालिकाले नियमित रूपमा नियन्त्रण तथा व्यवस्थापन अभियान सञ्चालन गर्दै आएको छ ।

उपमहानगरपालिकाले छाडा पशुचौपाया नियन्त्रण अभियानलाई आगामी दिनमा पनि निरन्तरता दिने जनाएको छ ।

प्रकाशित मिति: मंगलबार, भदौ २३, २०८३ १३:२३

प्रतिक्रिया दिनुहोस्