बाल दिवसमा आश्रमका बालबालिकासंग 'गोपाल निना फाउन्डेसन'

स्थानीय

गृहपृष्ठ
स्थानीय
बाल दिवसमा आश्रमका बालबालिकासंग 'गोपाल निना फाउन्डेसन'

बाल दिवसमा आश्रमका बालबालिकासंग 'गोपाल निना फाउन्डेसन'

सोमबार, भदौ २९, २०८३ बागेश्वरी पोस्ट

नेपालगन्ज । ६२औँ राष्ट्रिय बाल दिवसको अवसरमा गोपाल निना फाउन्डेसन नेपालले नीलसागर सेवा आश्रममा रहेका बालबालिकाका लागि विभिन्न कार्यक्रम आयोजना गरेको छ । बाल दिवसका अवसरमा फाउन्डेसनले आश्रममा रहेका बालबालिकालाई शैक्षिक सामग्री वितरण गरेको थियो ।बालबालिकाको सिर्जनात्मक क्षमता र प्रतिभा प्रस्फुटन गराउने उद्देश्यले चित्रकला प्रतियोगिता समेत आयोजना गरिएको थियो ।

प्रतियोगितामा सहभागी बालबालिकामध्ये उत्कृष्ट पाँच जनालाई छनोट गरी पुरस्कार तथा प्रमाणपत्र प्रदान गरिएको फाउन्डेसनले जनाएको छ । कार्यक्रममा बालबालिकाका लागि भोजनको समेत व्यवस्था गरिएको थियो ।

बालबालिकाको शिक्षा, स्वास्थ्य, संरक्षण तथा सर्वाङ्गीण विकासमा सहयोग पुर्‍याउने उद्देश्यले आयोजित कार्यक्रमले बालबालिकामा खुसी, उत्साह र सिर्जनशीलता अभिवृद्धि गर्न योगदान पुर्‍याएको आयोजकको भनाइ छ ।

फाउन्डेसनले बालबालिकाको अधिकार, शिक्षा र संरक्षणका क्षेत्रमा आगामी दिनमा समेत सहयोग तथा सामाजिक गतिविधिलाई निरन्तरता दिने जनाएको छ ।

प्रकाशित मिति: सोमबार, भदौ २९, २०८३ १७:४९

प्रतिक्रिया दिनुहोस्