चीनको प्रयोगशालाबाट भाइरस उत्पत्ति भएको प्रमाण आफूले देखेको ट्रम्पको दाबी

विश्व

गृहपृष्ठ
विश्व
चीनको प्रयोगशालाबाट भाइरस उत्पत्ति भएको प्रमाण आफूले देखेको ट्रम्पको दाबी

चीनको प्रयोगशालाबाट भाइरस उत्पत्ति भएको प्रमाण आफूले देखेको ट्रम्पको दाबी

शुक्रबार, वैशाख १९, २०७७ एजेन्सी

एजेन्सी । आफ्नै देशको जासूसी संस्थाको सूचनाभन्दा विपरीत रही अमेरिकाका राष्ट्रपति डोनल्ड ट्रम्पले चीनको वुहानस्थित प्रयोगशालाबाट भाइरस उत्पत्ति भएको प्रमाण फेला पारेको बिहीवार बताएका छन् । तर यो दाबीलाई पुष्टि गर्ने विवरणहरू उनले दिएका छैनन् ।

ट्रम्पको बयान आउनुभन्दा केही घन्टाअघि अफिस अफ द डाइरेक्टर अफ नेसनल इन्टेलिजेन्सले एक सार्वजनिक सूचना जारी गरेर कुनै निष्कर्षमा नपुगिसकेको जानकारी दिएको थियो । संक्रमित पशुसँगको सम्पर्कमार्फत वा वुहानको प्रयोगशालामा भएको दुर्घटनामार्फत भाइरस फैलिएको हो भन्ने विषयमा गहन अनुसन्धान जारी रहेको उसले जनाएको छ ।

प्रयोगशालाबाट भाइरस बाहिर आएको विषयको प्रमाण हेरेको हो भनी पत्रकारहरूले सोधेको प्रश्नमा ट्रम्पले भने, ‘हो, हेरेको छु ।’

पछि उनलाई तपाईं यसमा कसरी यति विश्वस्त हुनुहुन्छ भनी सोध्दा उनले भने, ‘मैले त्यो भन्न मिल्दैन । मलाई त्यो भन्ने अनुमति छैन ।’

ट्रम्प प्रशासनका अधिकारीहरूले अमेरिकाको जासूसी समुदायलाई कोरोनाभाइरस संक्रमणको वास्तविक उत्पत्तिका विषयमा पत्ता लगाउन दबाब दिइरहेका छन् । चीनको प्रयोगशालामा भएको दुर्घटनाका कारण महाव्याधि शुरू भएको भन्ने अप्रमाणित सिद्धान्तलाई पुष्टि गर्न उनीहरूले दबाब दिइरहेका हुन् । लोकान्तरबाट

प्रकाशित मिति: शुक्रबार, वैशाख १९, २०७७ १०:३७