लद्दाखमा भारतीय र चिनियाँ सेनाबीच झडप, २० भारतीय सैनिकको मृत्यु

विश्व

गृहपृष्ठ
विश्व
लद्दाखमा भारतीय र चिनियाँ सेनाबीच झडप, २० भारतीय सैनिकको मृत्यु

लद्दाखमा भारतीय र चिनियाँ सेनाबीच झडप, २० भारतीय सैनिकको मृत्यु

मंगलबार, असार २, २०७७ एजेन्सी

भारत । भारत र चीनबीच थप तनावको माहौल सिर्जना भएको छ । विवादित सीमा लद्दाखको गलवान क्षेत्रमा भारतीय र चिनियाँ सेनाबीच भएको झडपमा परी २० जना भारतीय सैनिकको मृत्यु भएको पुष्टि भएको छ । मंगलबार दिउँसो भारतीय अधिकारीहरुले लद्दाखमा एक जना कमाण्डिंङ अफिसरसहित दुई जना जवानको मृत्यु भएको खबर बताएका थिए ।

घाइते सेनाहरुबारे खबर दिइएको भने थिएन । तर, बेलुका भारतीय अधिकारीहरुले जारी गरेको प्रतिवेदन अनुसार घाइते भएका १७ जना भारतीय सेनाको समेत मृत्यु भएको छ । कुल २० जना भारतीय सेनाको मृत्यु भएको पुष्टि गरेको भारतीय सञ्चार माध्यमले जनाएको छ । १५ र १६ जुनमा भारतीय र चिनियाँ सेनाबीच लाइन अफ एक्चुअल कन्ट्रोलमा झडप भएको थियो ।

त्यस्तै चिनियाँ तर्फ ५ जनाको मृत्यु भएको र ११ जना घाइते भएको रिपोर्ट बाहिर आएको थियो । चीनको सरकारी समाचार एजेन्सी सिन्ह्वाका अनुसार पिपुल्स लिबरेसन आर्मी (पीएलए)को पश्चिम कामाण्डका प्रवक्ता चाङ्ग शुईलीले भारतीय सेनाले चिनियाँ क्षेत्रमा प्रवेश गरेसँगै झडपको महौल सुरु भएको आरोप लगाएका छन् । उनले विवाद समाधानका लागि वार्ता गर्न समेत सुझाव दिएका छन् ।

उनले चिनियाँ सेनालाई उक्साउने काम बन्द गर्न समेत चेतावनी दिएका छन् । सन् १९७५ पछि पहिलोपटक नियन्त्रण रेखामा डरलाग्दो घटना भएको हो ।

प्रकाशित मिति: मंगलबार, असार २, २०७७ २३:०६