आमाको हत्या आशंकामा छोरालाई पक्राउ

सुरक्षा-अपराध

गृहपृष्ठ
सुरक्षा-अपराध
आमाको हत्या आशंकामा छोरालाई पक्राउ

आमाको हत्या आशंकामा छोरालाई पक्राउ

बिहीबार, साउन २२, २०७७ बागेश्वरी पोस्ट

सांकेतिक तस्बिर

नेपालगन्ज । दार्चुलामा एक वृद्धा मृत फेला परेकी छन् । बुधबार जिल्लाको दुँहु गाउँपालिका- ३ ब्रह्मदेवकी ८० वर्षीया नारुदेवी बम मृत फेला परेकी हुन् ।

बमको शव घरभन्दा २० मिटर टाढा फेला परेको दार्चुलाका प्रहरी निरीक्षक सुरेन्द्रप्रसाद जोशीले बताए । वृद्धाको हत्या गरेर शव फालेको हुन सक्ने प्रहरीको अनुमान छ ।

मृतकको घाटीमा निलडाम देखिएको र शरीरको अन्य भागमा कुनै घाउ नदेखिएकोले घाटी च्यापेर हत्या गरेको प्रारम्भिक अनुमान गरिएको दार्चुला प्रहरीले जनाएको छ ।

आमाको हत्या आशंकामा छोरालाई पक्राउ गरिएको प्रहरी निरीक्षक जोशीले बताए । मृतकको प्रकृति हेर्दा हत्या गरेको जस्तो देखिने भएकाले अनुसन्धानका लागि मृतक वृद्धाका छोरा ५३ वर्षीय नरबहादुर बमलाई नियन्त्रणमा लिएको प्रहरीले जनाएको छ ।

प्रहरी निरीक्षक जोशीका अनुसार नियन्त्रणमा रहेका बमलाई सोधपुछ गर्ने काम भइरहेकोले छ । मृतकको शव पोष्टमार्टमका लागि जिल्ला अस्पताल दार्चुला लगिएको छ ।

प्रकाशित मिति: बिहीबार, साउन २२, २०७७ ०९:५९

प्रतिक्रिया दिनुहोस्