बञ्चरोले हानेर छोराले गरे आमाको हत्या

सुरक्षा-अपराध

गृहपृष्ठ
सुरक्षा-अपराध
बञ्चरोले हानेर छोराले गरे आमाको हत्या

बञ्चरोले हानेर छोराले गरे आमाको हत्या

सोमबार, भदौ २९, २०७७ रासस

सांकेतिक तस्बिर

झापा । झापाको कमल गाउँपालिका-७ मा आइतबार साँझ ७ बजेतिर छोराले आमाको हत्या गरेको छ । बाह्रघरे नजिकै मुसहर बस्तीका स्थानीय २१ वर्षीय दिनेश ऋषिदेवले बञ्चरो प्रहार गरी ५० वर्षीया आमा मीरा ऋषिदेवको हत्या गरेको हो ।

मदिरा सेवन गरेर आएका दिनेशले आमासँग विवाद भएपछि बञ्चरो प्रहार गर्दा आमाको घटनास्थलमै ज्यान गएको इलाका प्रहरी कार्यालय दमकका प्रहरी नायब उपरीक्षक विजयराज पण्डितले बताए ।

नशाको सुरमा दिनेशले आमामाथि अन्धाधुन्ध हतियार प्रहार गरेको वडाध्यक्ष पृथ्वीपति राईले जानकारी दिए ।

हत्या गर्ने छोरालाई गाउँलेले नियन्त्रणमा लिएर प्रहरीमा बुझाएका थिए । प्रहरीले अभियुक्तलाई नियन्त्रणमा लिएर आवश्यक अनुसन्धान शुरु गरेको प्रहरी नायव उपरीक्षक पण्डितले बताए ।

प्रकाशित मिति: सोमबार, भदौ २९, २०७७ ११:१९

प्रतिक्रिया दिनुहोस्