भारतबाट पाकिस्तान बग्ने पानी रोकेर हरियाना पठाउँछौं- मोदी

विश्व

गृहपृष्ठ
विश्व
भारतबाट पाकिस्तान बग्ने पानी रोकेर हरियाना पठाउँछौं- मोदी

भारतबाट पाकिस्तान बग्ने पानी रोकेर हरियाना पठाउँछौं- मोदी

बिहीबार, असोज ३०, २०७६ एजेन्सी

नयाँ दिल्ली । भारतीय प्रधानमन्त्री नरेन्द्र मोदीले भारत हुँदै पाकिस्तान बग्ने पानीलाई मोड्दै हरियाना पठाउने बताएका छन्।

मंगलबार प्रधानमन्त्री मोदीले हरियानामा सम्बोधन गर्दै भारतबाट बग्ने पानी भारत र भारतीय किसानहरूले प्रयोग गर्न पाउने अधिकार रहेको भन्दै पानीलाई मोडी हरियाना लग्ने बताएका टाइम्स अफ इण्डियाले जनाएको छ।

'७० वर्षसम्म हरियाना र भारतीय जनताको पानी पाकिस्तान बग्यो, तर अब यो मोदीले त्यो पानीलाई रोकी हरियानको घरमा ल्याउँछ', उनले भने,'मैले यो काम अघि बढाइसकेँ।'

उनले हरियानाका किसानलाई उक्त पानी प्रदान गरी त्यहाँको जनताका लागि काम गर्दै गरेको दाबी समेत गरे। कस्मिरको विशेष अधिकार धारा ३७० को खारेजीपश्चात भारत र पाकिस्तानबीच तनाव बढेको हो।

उनले उक्त धाराको खारेजी राष्ट्रिय सुरक्षाका निम्ति आवश्यक रहेको बताएका थिए।

प्रकाशित मिति: बिहीबार, असोज ३०, २०७६ ०८:४०

प्रतिक्रिया दिनुहोस्