मध्यराति हराएका डीएसपी चौधरी निलम्बित

सुरक्षा-अपराध

गृहपृष्ठ
सुरक्षा-अपराध
मध्यराति हराएका डीएसपी चौधरी निलम्बित

मध्यराति हराएका डीएसपी चौधरी निलम्बित

बुधबार, मंसिर १७, २०७७ बागेश्वरी पोस्ट

प्रमुख प्रहरी नायव उपरीक्षक (डीएसपी) भरतराज चौधरी

कैलाली । इलाका प्रहरी कार्यालय मालाखेती कैलालीका तत्कालीन प्रमुख प्रहरी नायव उपरीक्षक (डीएसपी) भरतराज चौधरी निलम्बित भएका छन् ।मंसिर ९ गते मध्यराति सम्पर्कविहीन भएका डीएसपी चौधरीलाई आचरण विरुद्धको गतिविधि गरेको भन्दै गृह मन्त्रालयले मंसिर १२ गते निलम्बन गरेको हो ।

सुदूरपश्चिम प्रदेश प्रहरी कार्यालयका प्रवक्ता वरिष्ठ प्रहरी उपरीक्षक मुकेशकुमार सिंहले छानबिनको क्रममा उनलाई निलम्बन गरिएको जानकारी दिए । प्रहरी कार्यालयले प्रहरी उपरीक्षक (एसपी) दिलीपसिंह देउवाको नेतृत्वमा उनीमाथि छानविन गरिरहेको जनाएको छ ।

सम्पर्कविहीन भएका डीएसपी चौधरी कैलालीको एक होटेलमा भेटिएका थिए । प्रहरीले भने उनी आफैं सम्पर्कमा आएको बताएको छ ।उनीमाथि लागेको आरोपका विषयमा छानबिन भइरहेको प्रहरीले जनाएको छ ।

प्रकाशित मिति: बुधबार, मंसिर १७, २०७७ १८:०७