भागरथीका हत्यारा तत्काल पत्ता लगाउन ध्यानाकर्षण

स्थानीय

गृहपृष्ठ
स्थानीय
भागरथीका हत्यारा तत्काल पत्ता लगाउन ध्यानाकर्षण

भागरथीका हत्यारा तत्काल पत्ता लगाउन ध्यानाकर्षण

आइतबार, फागुन २, २०७७ बागेश्वरी पोस्ट

नेपालगन्ज । राष्ट्रिय प्रजातान्त्रिक महिला संगठन बाँकेले वैतडीकी १७ वर्षीया किशोरी भागरथी भट्टको बलात्कारपछि हत्या गर्ने अपराधीलाई तत्काल पक्राउ गरी कडा कार्वाही गर्न माग गरेको छ । संगठनकी बाँके जिल्ला अध्यक्ष इन्दिरा कुमारी शाही नेतृत्वको एक टोलीले प्रमुख जिल्ला अधिकारी रामबहादुर कुरुम्बाङ मार्फत् प्रधानमन्त्री केपी शर्मा वलीलाई आज एक ज्ञापनपत्र बुझाउँदै घटना भएको धेरै दिन वितिसक्दा पनि हत्यारा पत्ता नलाग्नु रहस्यमय, दु:खद् र निन्दनीय भएको उल्लेख गरेको छ । मुलुक पछिल्लो समय हत्या, हिंसा र बलात्कारको घटना बढ्दै गइरहेको प्रति संगठनले आफ्नो गम्भीर ध्यानाकर्षण भएको जनाएको छ । उसले महिलामाथि हुने सम्पूर्ण हिंसा अन्त्य गर्न राज्यका सबै संयन्त्र तुरुन्त सशक्त ढंगबाट परिचालित गरी हत्या, हिंसा र बलात्कार रोक्न जोडदार माग गरेको छ ।