भागिरथी भट्टकी आमालाई कांग्रेसद्वारा दुई लाख नगद सहयोग प्रदान

सुरक्षा-अपराध

गृहपृष्ठ
सुरक्षा-अपराध
भागिरथी भट्टकी आमालाई कांग्रेसद्वारा दुई लाख नगद सहयोग प्रदान

भागिरथी भट्टकी आमालाई कांग्रेसद्वारा दुई लाख नगद सहयोग प्रदान

सोमबार, फागुन ३, २०७७ बागेश्वरी पोस्ट

बैतडी। नेपाली कांग्रेसले बैतडीमा भागिरथी भट्टको बलात्कारपछि भएको हत्याको यथार्थ बुझ्न पठाइएका केन्द्रीय सदस्य रमेश लेखकले घटनाको बारेमा स्थलगत अवलोकन गरेका छन् । उनले भागिरथीका परिवार, जनप्रतिनिधि र प्रहरीले गरेको अनुसन्धानका विषयमा पनि जानकारी लिएको नेपाली कांग्रेसले जानकारी दिएको छ ।

पूर्वमन्त्री रमेश लेखकले भागिरथीका परिवारसँगको भेटघाटका क्रममा भागरथीका हत्यारा पत्ता लगाउन नेपाली कांग्रेस पार्टीले सबै पक्षबाट सहयोग गर्ने बताएका थिए । कांग्रेसले मृतककी आमा द्रोपती भट्टलाई रु दुई लाख नगद सहयोग प्रदान गरेको थियो ।

कांग्रेस केन्द्रीय कार्यालयले पठाएको सहयोग रकम नेता लेखकले मृतकका आमालाई हस्तान्तरण गरेका हुन् । नेता लेखकले भागिरथी हत्या प्रकरणको अनुसन्धान गरिरहेका सुदूरपश्चिम प्रहरी प्रमुख डिआइजी उत्तमराज सुवेदीसँग अनुसन्धानका बारेमा जानकारी लिएका थिए । डीआइजी सुवेदीले अनुसन्धान साघुरिँदै गएकोले छिट्टै दोषी पत्ता लाग्ने बताए ।

गत माघ २१ गते विद्यालयबाट घर फर्किएकी दोगडाकेदार गाउँपालिका–७ चडेपानीकी भागिरथी माघ २२ गते स्थानीय लवलेक जङ्गलमा विभत्स र निर्वस्त्र अवस्थामा फेला परेकी थिइन् । भागिरथीको न्यायका लागि बैतडीमा आन्दोलनका कार्यक्रम पनि जारी रहेका छन् ।

प्रकाशित मिति: सोमबार, फागुन ३, २०७७ १०:३७

प्रतिक्रिया दिनुहोस्