बक्तृत्वकलामा साइनिङ स्टारकी बर्षा पाण्डे प्रथम

स्थानीय

गृहपृष्ठ
स्थानीय
बक्तृत्वकलामा साइनिङ स्टारकी बर्षा पाण्डे प्रथम

बक्तृत्वकलामा साइनिङ स्टारकी बर्षा पाण्डे प्रथम

मंगलबार, फागुन ४, २०७७ बागेश्वरी पोस्ट

प्रथम स्थान हासिल गरेकी पाण्डेलाई पुरस्कार दिइँदै

नेपालगञ्ज । नेपालगञ्जमा आयोजित 'पुस्तकको महत्व' विषयक बक्तृत्वकला प्रतियोगितामा साइनिङ स्टार स्कुल कोहलपुरकी छात्रा बर्षा पाण्डेले प्रथम स्थान हासिल गर्नुभएको छ ।

नेपाल पुस्तक तथा स्टेशनरी व्यवसायी महासंघ जिल्ला शाखा बाँकेले आदर्श मावि नेपालगञ्जमा आज आयोजना गरेको जिल्लाव्यापी माध्यामिक विद्यालयस्तरीय बक्तृत्वकला प्रतियोगितामा लक्ष्मी मावि मदुईकी श्रृष्टि शर्मा दोस्रो तथा ज्ञानज्योति मावि चप्परगौडीका प्रकाश थापा तृतीय हुनुभएको छ । प्रतियोगितामा त्रिभुवन मावि कोहलपुरकी समिका थापा र मंगल मावि नेपालगञ्जका पंख रोकायले सान्त्वना स्थान हासिल गर्नुभएको छ ।

No description available.

राष्ट्रिय पुस्तक दिवस तथा सरस्वती पूजाको अवसरमा आयोजित बक्तृत्वकला प्रतियोगितामा महेन्द्र बहुमुखी क्याम्पसका उपप्राध्यापक गिरीराज पौडेल, बागेश्वरी पोष्ट डटकमका प्रधान सम्पादक नवीन गिरी र भेरी साहित्य समाजका महासचिव लेकप्रसाद प्याकुरेल निर्णायकका रुपमा रहनुभएको थियो । विजयी प्रतियोगी तथा सहभागीहरुलाई नेपाल पुस्तक तथा स्टेशनरी व्यवसायी महासंघका लुम्बिनी प्रदेशका अध्यक्ष बसन्त लामिछाने र बाँके शाखा अध्यक्ष शालिक सुवेदीले पुरस्कार तथा प्रमाणपत्र वितरण गर्नुभएको थियो ।

No description available.

२३ वटा विद्यालयका २३ जना छात्रछात्रा सहभागी प्रतियोगितामा बोल्दै प्रमुख अतिथि लुम्बिनी प्रदेश अध्यक्ष लामिछानेले पुस्तकको महत्वलाई हृदयंगम गर्दै पुस्तक पढ्ने संस्कृतिको विकास गर्न जरुरी रहेको बताउनुभयो । कार्यक्रमका विशिष्ट अतिथि साहित्कार सनत रेग्मीले पछिल्लो समय पठन संस्कृति हराउँदै गएकाले नयाँ पुस्ताले पुस्तकको महत्वलाई बुझ्नुपर्नेमा जोड दिनुभयो । नेपालगञ्ज उपमहानगरपालिकाकी उपमेयर उमा थापा मगरले पढेर कहिल्यै नसकिने भन्दै जीवन पर्यन्त पुस्तकको महत्व कहिल्यै नघट्ने उल्लेख गर्नुभयो ।

No description available.

शाखा उपाध्यक्ष मन्दिरा पाण्डेले स्वागत मन्तब्य ब्यक्त गर्नुभएको कार्यक्रम नेपाल पुस्तक तथा स्टेशनरी व्यवसायी महासंघ जिल्ला शाखा बाँकेका अध्यक्ष शालिक सुवदीको सभापतित्वमा सम्पन्न भएको थियो । कार्यक्रममा उद्योग बाणिज्य संघ लुम्बिनी प्रदेश सदस्य नरेन्द्र शर्मा, आदर्श माविका प्रिन्सिपल विरभान केसीले शुभकामना मन्तब्य ब्यक्त गर्नुभएको थियो । त्यस अवसरमा नेपाल पुस्तक तथा स्टेशनरी व्यवसायी संघका पूर्व केन्द्रिय सदस्य समेत रहनुभएका शर्मालाई सम्मान गरिएको थियो । कार्यक्रमको सञ्चालन सचिव प्रदिप सापकोटाले गर्नुभएको थियो ।

No description available.