प्रहरी भन्छ 'भागिरथी हत्याका आरोपीको नाम'अहिले सार्वजनीक गर्न मिल्दैन

सुरक्षा-अपराध

गृहपृष्ठ
सुरक्षा-अपराध
प्रहरी भन्छ 'भागिरथी हत्याका आरोपीको नाम'अहिले सार्वजनीक गर्न मिल्दैन

प्रहरी भन्छ 'भागिरथी हत्याका आरोपीको नाम'अहिले सार्वजनीक गर्न मिल्दैन

बुधबार, फागुन ५, २०७७ बागेश्वरी पोस्ट

नेपालगन्ज। भागिरथी भट्टको बलात्कारपछि हत्या आरोपमा एक जनालाई पक्राउ गरिएको प्रहरीले सार्वजनिक गरेको छ । बुधवार पत्रकार सम्मेलन गरी एक जनालाई पक्राउ गरिएको सुदूरपश्चिम प्रदेश प्रहरी कार्यालयका एसएसपी तथा प्रवक्ता मुकेश सिंहले बताए । अभियुक्त बारे भन्न नमिल्ने भन्दै प्रहरीले पत्रकार सम्मेलन गरेको छ ।

एसएसपी सिंहले भने अहिलेसम्मको अपरोपमा व्यक्तिको तत्काल उपस्थिति, सोधपुछका क्रममा दिएको बयान, सबैका आधारमा आरोपी समातिएको हो । तर अहिले नाम सार्वजनिक गर्न मिल्दैन ु उनले प्रहरीको अनुसन्धान प्रक्रियामा आशङ्का नगर्न आग्रह गरे । दोषी कानुनी कठघरामा रहेको उनको भनाइ थियो ।

प्रहरीले ती अभियुक्तलाई नै बलात्कारी र हत्यारा भएको दाबी गरेको छ । सिंहका अनुसार उनी भागीरथीकै विद्यालयमा कक्षा ११ मा अध्ययनरत १७ वर्षे युवक हुन् । प्रहरीका अनुसार उनी पनि भागिरथीको बलात्कारपछि हत्याको छानबिन गरी तत्काल अपराधी पक्राउ गर्न दबाब दिँदै आएको समूहसँग अग्र पङ्क्तिमा समेत देखिँदै आएका थिए ।

प्रहरीले उनीमाथि केही दिनदेखि निगरानी बढाएको र प्रमाण प्राप्त गरेपछि पक्राउ परेको बताएको छ । पक्राउ परे लगत्तै उक्त युवकले अपराध स्विकारेकोसमेत प्रहरी स्रोतले बताएको छ । अभियुक्तले रिसइबीका कारण बलात्कारपछि हत्या गरेको बहाना बनाएको पनि बताइएको छ ।

प्रकाशित मिति: बुधबार, फागुन ५, २०७७ १४:५६

प्रतिक्रिया दिनुहोस्