भागरथी भट्ट हत्या प्रकरण :दिनेशलाई सुधारगृह पठाउन अदालतको आदेश

सुरक्षा-अपराध

गृहपृष्ठ
सुरक्षा-अपराध
भागरथी भट्ट हत्या प्रकरण :दिनेशलाई सुधारगृह पठाउन अदालतको आदेश

भागरथी भट्ट हत्या प्रकरण :दिनेशलाई सुधारगृह पठाउन अदालतको आदेश

बुधबार, फागुन २६, २०७७ बागेश्वरी पोस्ट

नेपालगन्ज। बैतडीकी १७ बर्षीया किशोरी भागरथी भट्टलाई हत्या गरेका किशोरलाई पुर्पक्षका लागि सुधारगृह पठाउन जिल्ला अदालत बैतडीले आदेश दिएको छ। भागरथीलाई बलात्कारपछि हत्या गरेको स्वीकार गरेका बैतडी दोगडाकेदार गाउँपालिका ७ चडेपानीका १६ वर्षीय किशोर दिनेश भट्ट १८ वर्ष नपुगेकाले पुर्पक्षका लागि सुधारगृह पठाउन जिल्ला अदालतले आदेश दिएको बैतडीका प्रहरी प्रमुख, प्रहरी नायब उपरीक्षक नारायणप्रसाद अधिकारीले जानकारी दिए। उनलाई आज डोटीमा रहेको सुधारगृह पठाएको छ । गत माघ २१ गते विद्यालयबाट फर्किएकी भागरथी साँझ घर नपुगेपछि खोजतलास गर्दै जाँदा माघ २२ गते स्थानीय लवलेक जङ्गलमा विभत्स र निर्वस्त्र अवस्थामा मृत फेला परेकी थिइन्।प्रहरीले घटनाको अनुसन्धानपछि ती किशोरलाई फागुन ४ गते नियन्त्रणमा लिएको थियो। नातामा भागरथी र दिनेश दिदि-भाइ पर्छन् । उनिहरु एकै गाउँका हुन् ।

प्रकाशित मिति: बुधबार, फागुन २६, २०७७ १६:४६

प्रतिक्रिया दिनुहोस्