मालपोत कार्यालयका अधिकृत घुससहित पक्राउ

सुरक्षा-अपराध

गृहपृष्ठ
सुरक्षा-अपराध
मालपोत कार्यालयका अधिकृत घुससहित पक्राउ

मालपोत कार्यालयका अधिकृत घुससहित पक्राउ

बिहीबार, चैत ५, २०७७ बागेश्वरी पोस्ट

नेपालगन्ज।मालपोत कार्यालयका एक जना शाखा अधिकृत घुससहित पक्राउ परेका छन्।

पक्राउ पर्नेमा कञ्चनपुर मालपोत कार्यालयका शाखा अधिकृत लोकराज जोशी रहेका छन्। उनले सेवा ग्राहीसँग आज २४ हजार रुपैयाँ घुस लिइसकेको अवस्थामा पक्राउ गरेको अख्तियारको महेन्द्रनगरस्थित कार्यालयले जानकारी दिएको छ।

उनले सेवाग्राहीसँग जग्गाको कित्ताकाटका लागि सहजीकरण गरेबापत उक्त रकम घुस लिइसकेको अवस्थामा पक्राउ गरेको अख्तियारले जानकारी दिएको छ। उनलाई मालपोत कार्यालय नजिकैको खाजाघरबाट आज दिउँसो करिब २ बजे पक्राउ गरिएको हो।

पक्राउ परेका शाखा अधिकृत जोशीसंग थप अनुसन्धान भईरहेको अख्तियारले बताएको छ।

प्रकाशित मिति: बिहीबार, चैत ५, २०७७ १९:०४

प्रतिक्रिया दिनुहोस्