जिल्ला प्रहरीले गर्यो तीन जना सहासी सशस्त्र प्रहरीलाई सम्मान

सुरक्षा-अपराध

गृहपृष्ठ
सुरक्षा-अपराध
जिल्ला प्रहरीले गर्यो तीन जना सहासी सशस्त्र प्रहरीलाई सम्मान

जिल्ला प्रहरीले गर्यो तीन जना सहासी सशस्त्र प्रहरीलाई सम्मान

शनिबार, असोज १६, २०७८ बागेश्वरी पोस्ट

नेपालगन्ज । सशस्त्र प्रहरीका तीन जना सहासी गोताखोरहरुलाई जिल्ला प्रहरी कार्यालय कैलालीले सम्मान गरेको छ। कर्मचारीहरूलाई सम्मान गरेको छ । कैलाली प्रहरीले सशस्त्र प्रहरीको ७ नम्बर बाहिनी मुख्यालय कैलालीमा कार्यरत सशस्त्र प्रहरी सहायक निरीक्षक वीरेन्द्र कार्की, जवानद्वय हरिश भट्ट र तिलक लामालाई आज एक कार्यक्रम आयोजना गरि सम्मान गरेको हो ।

उनीहरु तीनै जनालाई कैलाली प्रहरी प्रमुख प्रहरी उपरीक्षक विश्व अधिकारीले सम्मान गर्दै प्रशंसा–पत्र प्रदान गरेका थिए। गत भाद्र १८ गते गोदावरी नगरपालिका–१ बस्ने १० र १४ वर्षका दुई जना बालकहरू बेपत्ता भएका थिए। उनीहरूको खोजतलास गर्दै जाँदा राती मनहरा नदीको किनारमा कपडा फेला परेका थिए ।

त्यस पश्चात् जिल्ला प्रहरी कार्यालय, कैलालीको अनुरोध र समन्वयमा परिचालित भई राती करिब साढे १ बजेको समयमा समेत नदीमा पसी अथक प्रयासका साथ खोजतलास गरिएको थियो । ती बालकहरूको शव उद्धारमा प्रदर्शन गरेको साहस, कार्य दक्षता, लगनशीलता, कर्तव्य परायणता र सहयोगको उच्च सम्मान गर्दै सशस्त्र प्रहरीका तीनै जना कर्मचारीलाई उल्लेखनीय, प्रशंसनीय एवं उत्कृष्ट कार्यको कदर स्वरूप प्रशंसा–पत्र प्रदान गरिएको प्रहरी उपरीक्षक अधिकारीले जानकारी दिए ।

जिल्लामा विपद् व्यवस्थापन तथा शान्ति सुरक्षा कायम गर्नमा सशस्त्र प्रहरी बलसँगको समन्वय र सहकार्य उल्लेखनीय एवं प्रभावकारी रहेको प्रहरी उपरीक्षक अधिकारीको भनाई छ ।

प्रकाशित मिति: शनिबार, असोज १६, २०७८ १५:४८

प्रतिक्रिया दिनुहोस्