टर्कीबाट इजरायलमाथि आक्रमण गर्ने हमासको योजना

विश्व

गृहपृष्ठ
विश्व
टर्कीबाट इजरायलमाथि आक्रमण गर्ने हमासको योजना

टर्कीबाट इजरायलमाथि आक्रमण गर्ने हमासको योजना

बुधबार, पुस २, २०७६ एजेन्सी

एजेन्सी । प्यालेस्टिनी लडाकु संगठन हमासले टर्कीबाट इजरायलमाथि आक्रमण गर्ने योजना बनाइरहेको इजरायली समाचार माध्यम जेरुसलेम पोष्टले जनाएको छ ।

हमासका लडाकुहरुलाई टर्कीले संरक्षण गरिरहेको र उनीहरुलाई त्यहींबाट इजरायलयमाथि आक्रमण गर्ने अनुमति दिएको जेरुसलेम पोष्टले जनाएको हो । जेरुसलेम पोष्टले द टेलिग्राफका प्रकाशित एक रिपोर्टलाई उदृत गर्दै बुधबार हमासको योजनाबारे समाचार लेखेको छ ।

समाचार अनुसार टर्कीका राष्ट्रपति रिसेप टाइव एर्दोगानले शनिबार हमासका नेता इस्माइल हानियहलाई भेटेका छन् । दुबै नेताबीचको सम्बन्ध निकै निकट र गहिरो रहेको समेत बताइएको छ ।

इजरायली अधिकारीहरुले आफूमाथि आक्रमण गर्ने योजना भइरहेको जानकारी एर्दोगानलाई दिँदै आएका छन् । तर उनले ‘प्यालेस्टाइनमा रहेका आफ्ना दाजुभाईलाई सहयोग गरिरहने’ भन्दै जवाफ फर्काएको समेत समाचारमा उल्लेख छ ।

रिपोर्ट अनुसार हमासका लडाकुहरुले टर्कीको राजधानी इस्तानबुलबाट जेरुसलेम र वेस्ट बैंकमा हुने क्रियाकलापको व्यवस्थापन गरिरहेका छन् । यसै वर्षको सुरुमा हमासको योजना अनुसार नै जेरुसलेमका मेयर निर बरकतको हत्या प्रयास भएको रिपोर्टमा भनिएको छ ।

तर हमासले भने टर्कीबाट कुनै पनि क्रियाकलाप नगरेको दाबी गरेको छ । टर्कीबाट इजरायलमाथि आक्रमण गर्ने भनेर बाहिर आएको समाचार आधारहीन भएको उसको भनाइ छ ।

हमासलाई इजरायल, अमेरिका र युरोपेली युनियनले आतंककारी संगठन भन्दै आएका छन् । तर कतारसहित मध्यपूर्वका केही मुलुकले भने उक्त संगठनलाई निरन्तर सहयोग गर्दै आइरहेको बताइन्छ ।

त्यस्तै हमास र टर्कीबीच विगतदेखि नै सुमधुर सम्बन्ध कायम छ ।

प्रकाशित मिति: बुधबार, पुस २, २०७६ १९:०२

प्रतिक्रिया दिनुहोस्