झारखण्डका मुख्यमन्त्री हेमन्त सोरेन बने

विश्व

गृहपृष्ठ
विश्व
झारखण्डका मुख्यमन्त्री हेमन्त सोरेन बने

झारखण्डका मुख्यमन्त्री हेमन्त सोरेन बने

आइतबार, पुस १३, २०७६ एजेन्सी

झारखण्ड । हेमन्त सोरेनले मुख्यमन्त्रीको सपथ लिएका छन् । सोरेनले झारखण्डको ११ औं मुख्यमन्त्रीको रुपमा आइतबार सपथ लिएका हुन् ।

झारखण्ड मुक्ति मोर्चाका अध्यक्ष समेत रहेका सोरेनलाई राँचीमा राज्यपाल द्रोपदी मुर्मूले पद तथा गोपनीयताको सपथ दिलाएकी हुन् । सोरेनसँगै कांग्रेस विधायक आलमगीर आलमले समेत सपथ लिएका छन् ।

सपथ ग्रहण समारोहमा राहुल गान्धी, पश्चिम बंगालकी मुख्यमन्त्री ममता बनर्जीसहितका नेताहरु सहभागी थिए ।

झारखण्डमा हालै सम्पन्न विधानसभा चुनावमा सोरेनको दलले ३० सिट जित्दै सबैभन्दा ठूलो दल बन्न सफल भएको थियो । ८१ वटा विधानसभा सिटमध्ये कांग्रेस, झारखण्ड मुक्ति मोर्चा र राष्ट्रिय जनता दलको गठबन्धनले ४७ वटा सिटमा जित हात पारेपछि सोरेन मुख्यमन्त्री बनेका हुन् ।

प्रकाशित मिति: आइतबार, पुस १३, २०७६ १८:३३