जनरल सुलेमानी र कमाण्डर अल मुहान्दिसको अन्तिम संस्कारमा हजारौं सहभागी

विश्व

गृहपृष्ठ
विश्व
जनरल सुलेमानी र कमाण्डर अल मुहान्दिसको अन्तिम संस्कारमा हजारौं सहभागी

जनरल सुलेमानी र कमाण्डर अल मुहान्दिसको अन्तिम संस्कारमा हजारौं सहभागी

शनिबार, पुस १९, २०७६ एजेन्सी

एजेन्सी । शुक्रबार अमेरिकी हवाइ हमलामा मारिएका इरानी जनरल कासिम सुलेमानी र इराकी मिलिसिया कमाण्डर अबु महदी अल मुहान्दिसको अन्तिम संस्कारमा सहभागी हुन बगदादमा हजारौं मानिस भेला भएका छन् ।

अमेरिकाले हत्या गरेका जनरल सुलेमानी, मिलिसिया कमाण्डरसहित अन्य व्यक्तिको अन्तिम संस्कारमा सहभागी हुन शनिबार इराकको राजधानी बगदादमा हजारौं मानिस भेला भएका हुन् ।

शोकमा डुबेका सुलेमानीसहित अन्य मृतकका समर्थकहरुले कालो पोशाक लगाउँदै बगदादमा भेला भएको र उनीहरुले अर्ध सैन्य बल हशद अल शाबीको झण्डा बोकेको अल जजिराले जनाएको छ ।

शोकाकुल मानिसहरु बगदादस्थित शियाहरुको खादिमिया धार्मिक क्षेत्रमा भेला भएर मृतकप्रति श्रद्धाञ्जली अर्पण गरेका थिए । उनीहरु बिहानैदेखि बगदादका सडकमा उत्रिएको समाचारमा बताइएको छ । साथै उनीहरुले इराकको राष्ट्रिय झण्डा समेत बोकेका थिए ।