जवाहरलालनेहरु विश्वविद्यालयमा नकाबधारी समूहको आक्रमण,१८ जना विद्यार्थीहरु घाइते

विश्व

गृहपृष्ठ
विश्व
जवाहरलालनेहरु विश्वविद्यालयमा नकाबधारी समूहको आक्रमण,१८ जना विद्यार्थीहरु घाइते

जवाहरलालनेहरु विश्वविद्यालयमा नकाबधारी समूहको आक्रमण,१८ जना विद्यार्थीहरु घाइते

सोमबार, पुस २१, २०७६ एजेन्सी

भारत । जवाहरलालनेहरु विश्वविद्यालयमा नकाबधारी समूहको आक्रमणमा १८ जना विद्यार्थीहरु घाइते भएका छन्। भारतको नयाँदिल्लीस्थित जवाहरलालनेहरु विश्वविद्यालयमा आइतबार साँझ भएको आक्रमणबाट जेएनयू छात्र संघका अध्यक्ष आईसी घोषसमेत घाइते भएका छन् । प्रत्यक्षदर्शीका अनुसार मुखमा मास्क लगाएका ५० जनाभन्दा बढी आक्रमणकारीका हातमा फलामे डण्डी र लठ्ठी थियो । उनीहरुले क्याम्पस र छात्राबासमा घुसेर आक्रमण गरेका थिए। घाइतेहरुलाई अस्पताल पुर्‍याउनका लागि सात वटा एम्बुलेन्स प्रयोग गरिएको थियो ।विश्वविद्यालय प्रशासनले आक्रमणको निन्दा गर्दै दोषी पहिचान गरी कारबाही गर्न प्रहरीसमक्ष माग राखेको छ । गृहमन्त्री अमित शाहले पनि घटनाको अनुसन्धान गरी आवश्यक कदम चाल्न निर्देशन दिएका छन् ।

प्रकाशित मिति: सोमबार, पुस २१, २०७६ ०८:१७