सुन खानीका मजदुरहरूबीच भएको झडपमा करिब १०० जनाको मृत्यु

विश्व

गृहपृष्ठ
विश्व
सुन खानीका मजदुरहरूबीच भएको झडपमा करिब १०० जनाको मृत्यु

सुन खानीका मजदुरहरूबीच भएको झडपमा करिब १०० जनाको मृत्यु

मंगलबार, जेठ १७, २०७९ एजेन्सी

अफ्रिकी देश चाडको उत्तरी क्षेत्रमा रहेको एउटा सुन खानीका मजदुरहरूबीच भएको झडपमा करिब १०० जनाको मृत्यु भएको छ । झडपमा ४० जना भन्दा बढी घाइते भएका रक्षामन्त्री जनरल दाउद याया ब्राहिमले जानकारी दिएका छन् ।

लिबियाको सिमाना नजिकको तिबेस्ती पर्वतको कोरी बोगौडीस्थित खानीमा हिंसा भड्किएको थियो । सो क्षेत्र राजधानी एनडीजामेनाबाट करिब १ हजार किलोमिटर टाढा पर्छ । १० वर्ष पहिले त्यहाँ सुनको खोजी गर्ने क्रममा चाड र छिमेकी देशहरूबाट खानी मजदुर आकर्षित भएका थिए ।

सुन झिक्ने विषयमा उनीहरूबीच बारम्बार तनाव हुने गरेको छ । पछिल्लो झडप मौरिसियाली र लिबियाली मजदुरबीच भएको रक्षामन्त्री ब्राहिमले बताए । घटनास्थलमा ठूलो संख्यामा सेना परिचालन गरिएको उनले बताए ।

प्रकाशित मिति: मंगलबार, जेठ १७, २०७९ ०८:२७

प्रतिक्रिया दिनुहोस्