एसियन गेम्सको महिला कबड्डीमा नेपाललाई कास्य पटक

खेलकुद

गृहपृष्ठ
खेलकुद
एसियन गेम्सको महिला कबड्डीमा नेपाललाई कास्य पटक

एसियन गेम्सको महिला कबड्डीमा नेपाललाई कास्य पटक

शुक्रबार, असोज ९, २०८३ बागेश्वरी पोस्ट

काठमाडौं । जापानमा जारी २०औँ एसियन गेम्सको महिला कबड्डीमा नेपालले कास्य पदकमा चित्त बुझाउने भएको छ । सेमिफाइनलमा भारतसँग पराजित भएपछि नेपालको स्वर्ण यात्रामा पूर्णविराम लागेको हो ।

तोकाइ सिटिजन व्यायामशालामा भएको सेमिफाइनल खेलमा नेपाल भारतसँग ४८–२४ अंकले पराजित भयो । भारतले पहिलो हाफमै ३१–१७ को अग्रता बनाएको थियो । दोस्रो हाफमा पनि भारतले १७–७ को अन्तर निकाल्दै सहज जित दर्ता गर्‍यो ।

नेपाल अघिल्लो अर्थात् १९औँ एसियन गेम्समा पनि भारतसँगै सेमिफाइनलमा पराजित भएको थियो । त्यतिबेला नेपालले कास्य पदक प्राप्त गरेको थियो ।

यसपटक समूह चरणमा नेपालले थाइल्यान्डलाई पराजित गरेको थियो भने चाइनिज ताइपेइसँग हार बेहोरेको थियो । समूहको अन्तिम खेलमा श्रीलंकालाई हराउँदै नेपाल सेमिफाइनल पुगेको थियो ।

जारी एसियन गेम्समा यो नेपालको दोस्रो पदक हो । यसअघि पुरुष करातेको ८४ केजी तौल समूहको कुमितेमा तेन्जिङ शेर्पाले कास्य पदक जितिसकेका छन् ।

प्रकाशित मिति: शुक्रबार, असोज ९, २०८३ १२:१७

प्रतिक्रिया दिनुहोस्