नाइट क्लबमा आगलागी हुँदा १४ जनाको मृत्यु

विश्व

गृहपृष्ठ
विश्व
नाइट क्लबमा आगलागी हुँदा १४ जनाको मृत्यु

नाइट क्लबमा आगलागी हुँदा १४ जनाको मृत्यु

शनिबार, साउन २१, २०७९ बागेश्वरी पोस्ट

नेपालगन्ज । एउटा नाइट क्लबमा आगो लाग्दा कम्तीमा १४ जनाको ज्यान गएको छ। थाइल्यान्डको दक्षिणपूर्वी प्रान्त चोनबुरीस्थित सताहिप जिल्लास्थित माउन्टेन बी नाइटस्पोटमा आगलागीमा परि ४० जना घाइते भएको अन्तर्राष्ट्रिय समाचार संस्थाले जनाएका छन् ।

स्थानीय समय अनुसार शुक्रबार १२:४५ बजे बजे माउन्टेन बी नाइटस्पोटमा आगलागी भएको थियो।प्रत्यक्षदर्शीहरूले स्टेज नजिकैको छतमा धुवाँ र आगो देखेको र त्यसपछि विस्फोटहरू भएको बताएका छन्। आगो निभाउन अग्नि नियन्त्रकहरूलाई दुई घण्टा लागेको थियो।१३ जनाको घटनास्थलमै मृत्यु भएको थियो भने शरीरको ९० प्रतिशतभन्दा बढी जलेको अर्का एक व्यक्तिको पछि मृत्यु भएको प्रहरीले जनाएको छ।

अस्पतालका अनुसार १५ जना बिरामी गम्भीर छन्। उनीहरूको शरीरको ६० प्रतिशतभन्दा बढी भाग जलेको छ। दुई जना गम्भीर बिरामीलाई थप उपचारका लागि बैंककको अस्पतालमा पठाइएको प्रहरीले जनाएको छ।

आगलागीको कारण खुलेको छैन। घटनाबारे प्रहरीले अनुसन्धान सुरु गरेको छ। सेतोपाटी।

प्रकाशित मिति: शनिबार, साउन २१, २०७९ १३:१०