बागमती प्रदेशको राष्ट्रियसभा सदस्यको लागि ३ जनाको उम्मेदवारी दर्ता

राष्ट्रिय सभा उपनिर्वाचन-२०७८

गृहपृष्ठ
राष्ट्रिय सभा उपनिर्वाचन-२०७८
बागमती प्रदेशको राष्ट्रियसभा सदस्यको लागि ३ जनाको उम्मेदवारी दर्ता

शुक्रबार, वैशाख २४, २०७८ बागेश्वरी पोस्ट

हेटौंडा । बागमती प्रदेशको राष्ट्रियसभा सदस्यको उपनिर्वाचनका लागि नेकपा एमालेबाट रामबहादुर थापा बादल, स्वतन्त्र उम्मेदवार खिमलाल देवकोटा र नेपाल मजदुर किसान पार्टीबाट कृष्णबहादुर तामाङको उम्मदेवारी परेको छ ।

वाग्मती प्रदेशको राजधानी हेटौंडास्थित निर्वाचन अधिकृतको कार्यालयमा बादल, तामाङ र देवकोटाले उम्मेदवारी दर्ता गराएका हुन् ।

निर्वाचन अधिकृतको कार्यालयका अनुसार बादलको प्रस्तावमा वाग्मती प्रदेशका मुख्यमन्त्री डोरमणि पौडेल र समर्थकमा सामाजिक विकास मन्त्री सरस्वती बस्नेत रहेका छन्। स्वतन्त्र उम्मेदवार देवकोटाको प्रस्तावकमा नेकपा माओवादी केन्द्र वाग्मती प्रदेशसभा संसदीय दलका नेता शालिकराम जम्मकट्टेल र समर्थक नेपाली कांग्रेस संसदीय दलकी प्रमुख सचेतक राधा घले रहेकी छन्। देवकोटालाई नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एमालेको माधव नेपाल समूहको समर्थन रहेको छ ।

त्यस्तै, नेमकिपाका उम्मेदवार तामाङको प्रस्तावकमा वाग्मती प्रदेशसभा सदस्य सुरेन्द्रराज गोसाईं र समर्थकमा सिर्जना सैंजु रहेका छन् ।

यसअघि नेकपा माओवादी केन्द्रका थापा सोहि क्षेत्रबाट निर्वाचित भएका थिए। नेकपा एमालेमा प्रवेश गरेका थापाको सांसद पद गुमेपछि आगामी जेठ ६ गते उपनिर्वाचन हुन लागेको हो ।

प्रकाशित मिति: शुक्रबार, वैशाख २४, २०७८, १३:२७:००

प्रतिक्रिया दिनुहोस्