नयाँ परिचयमा

मनोरञ्जन

गृहपृष्ठ
मनोरञ्जन
नयाँ परिचयमा"तारा"

नयाँ परिचयमा"तारा"

आइतबार, साउन २५, २०७७ बागेश्वरी पोस्ट

नेपालगञ्ज । तारा कुमारी खत्री (रोकाया) लाई नेपालगञ्जमा नचिन्ने सायदै छैनन् तर पनि उहाँको वास्तविक परिचय सबैलाई थाहा नहुन पनि सक्छ ।

उद्योगी/व्यवसायी अगुवा, समाजसेवीकारुपमा पहिचान बनाउन सफल रोकायालाई अब सर्जकका रुपमा समेत चिन्नुपर्ने हुन्छ ।

हिन्दु नारीहरुको महान् चाड हरितालिका तीजको पूर्व सन्ध्यामा रोकायाले नयाँ तीज गीत सार्वजनिक गर्नुभएको छ । हुन् त यसअघि नै तीज गीतको संगालोकारुपमा पुस्तक प्रकाशन गरिसकेकी रोकायाले यसपाली भने आफ्नै रचना र स्वरमा भिडियोसहितको तीज गीत “साह्रै पिर पर्दो रहेछ” सार्वजनिक गर्नुभएको हो ।

नेपालगञ्ज उद्योग वाणिज्य संघकी पूर्व उपमहासचिव रोकाया पूर्ण तारा फाउण्डेशनमार्फत् पनि सामाजिक क्षेत्रमा क्रियाशील हुनुहुन्छ। पूर्णतारा फाउण्डेशनद्वारा निर्माण गरिएको उक्त गीतको शव्द, स्वर, संगीत, अभिनय स्वयं रोकायाको रहेको छ ।

गाभरमा छायांकन गरिएको भिडियो निर्मल कुमार बुढाले छायाकंन गर्नुभएको हो भने भिडियो निर्देशन, सम्पादन विपिन खड्काले गर्नुभएको हो । भिडियो उज्यालो एचडी टिभीको अफिसियल युटुब च्यानलबाट सार्वजनिक गरिएको छ ।

अश्लिल र भड्किला शब्दहरुसहितका तीज गीतहरु सार्वजनिक भइरहेको परिवेशमा रोकायाले मौलिकपन झल्किने गीत प्रस्तुत गर्नुभएको छ । तीजमा माइत जान नपाउँदा चेलीले भोग्नुपरेको वास्तविक पीडालाई गीत, संगीतसँगै दृश्यावलोकन गराइएको छ ।

तीज गीतमा नेपालगञ्जका प्रतिष्ठित महिलाहरु पनि समावेश छन् । तीज गीत गाउनु आफनो रहर मात्र नभई परम्परागत संस्कृतिलाई संरक्षण र सम्बर्द्धन गर्ने उद्देश्य रहेको पनि उहाँले सुनाउनुभयो । “साह्रै पिर पर्दो रहेछ” तीज गीत सुनेर, यूट्यूव हेरेर हौसला बढाई दिन पनि रोकायाले सबैमा अपिल गर्नुभयो।

प्रकाशित मिति: आइतबार, साउन २५, २०७७ १५:२१