लुम्बिनी सरकारले आँखाको नानीको नि:शुल्क प्रत्यारोपण गर्दै

स्वास्थ्य

गृहपृष्ठ
स्वास्थ्य
लुम्बिनी सरकारले आँखाको नानीको नि:शुल्क प्रत्यारोपण गर्दै

लुम्बिनी सरकारले आँखाको नानीको नि:शुल्क प्रत्यारोपण गर्दै

बिहीबार, साउन ११, २०८० बागेश्वरी पोस्ट

दाङ । लुम्बिनी सरकारले आँखाको नानीको प्रत्यारोपण नि:शुल्क गर्ने भएको छ । प्रदेश स्वास्थ्य मन्त्रालयले आँखाको नानी प्रत्यारोपणका लागि नि:शुल्क गर्ने तयारीका बजेट समेत विनियोजन गरेको छ ।

लुम्बिनीले गरिरहेको यो कार्यक्रम देशका ७ प्रदेश मध्ये पहिलो हुनेछ । आँखाको ज्योती गुमाएर अन्धोपन भएकाहरुलाई सोही अबस्थामा बसिरहन नपरोस् भनेर यो कार्यक्रम ल्याइएको स्वास्थ्य मन्त्री राजु खनालले जानकारी दिए ।

कार्यविधि बनाएर कार्यक्रम लागू गरिने उनले बताए । आँखाको नानी प्रत्यारोपणका लागि बिरामीलाई रकम उपलब्ध गराउने नभई अस्पतालसँग सहकार्य गरेर अस्पतालकै खातामा रकम सोध भर्ना गर्ने गरी कार्यविधि तयार गर्न थालिएको उनले जानकारी दिए ।

विभिन्न कारणले आँखाको ज्योती गुमाएकाहरुका लागि कार्यक्रम निकै महत्वपूर्ण हुने विश्वास गरिएको स्वास्थ्य सचिव डा. जनार्दन पन्थीले बताए ।

आँखाको ज्योती गुमाएका धेरै ब्यक्तिहरु रकम अभावका कारण नानी प्रत्यारोपण गर्न नसक्नेहरु कार्यक्रमबाट लाभान्बित हुने उनले आशा ब्यक्त गरे ।

प्रकाशित मिति: बिहीबार, साउन ११, २०८० १०:५५

प्रतिक्रिया दिनुहोस्