संस्कृतिहरूको समग्रता र एकीकृत स्वरूप नै राष्ट्रिय संस्कृति: प्रधानमन्त्री

संस्कृति-साहित्य

गृहपृष्ठ
संस्कृति-साहित्य
संस्कृतिहरूको समग्रता र एकीकृत स्वरूप नै राष्ट्रिय संस्कृति: प्रधानमन्त्री

संस्कृतिहरूको समग्रता र एकीकृत स्वरूप नै राष्ट्रिय संस्कृति: प्रधानमन्त्री

आइतबार, माघ ८, २०७९ बागेश्वरी पोस्ट

फाइल फोटो

नेपालगन्ज । बौद्ध धर्मालम्बीहरुको सोनाम लोसार पर्वको अवसरमा प्रधानमन्त्री पुष्पकमल दाहाल 'प्रचण्ड' ले शुभकामना सन्देश दिएका छन् ।

राष्ट्रिय ल्होसार पर्व–२८५९ ह्योई–तावर ल्हो (खरायो वर्ष) को अवसरमा शुभकामना दिँदै उनले बसोबास गर्ने सबै जाति÷जातजातिको आ–आफ्नो भिन्न–भिन्न परम्परा, रीतिरिवाज र संस्कृति रहेको बताए ।

‘सबै संस्कृतिहरूको समग्रता र एकीकृत स्वरूप नै नेपालको राष्ट्रिय संस्कृति हो । यसरी हाम्रो देश बहुजातीय, बहुभाषिक, बहुसांस्कृतिक र बहुधार्मिक हुनु नै नेपाल र नेपालीका लागि गौरवको कुरा हो, यो हाम्रो राष्ट्रिय सम्पत्ति समेत हो,’ उनले भनेका छन् ।

नेपाली जनताले नेपालमा सात दशक लामो लोकतन्त्रका लागि आन्दोलन गरेपछि धर्मनिरपेक्ष, समानुपातिक समावेशी संघीय लोकतान्त्रिक गणतन्त्रमा आइपुगेको उनले बताएका छन् । सरकारले आज सोनाम ल्होसार पर्वका अवसरमा बिदा समेत दिएको छ ।

प्रकाशित मिति: आइतबार, माघ ८, २०७९, १०:०८:००

प्रतिक्रिया दिनुहोस्