जसपा पार्टीबाट उपेन्द्र यादब निष्कासन

राजनीति

गृहपृष्ठ
राजनीति
जसपा पार्टीबाट उपेन्द्र यादब निष्कासन

जसपा पार्टीबाट उपेन्द्र यादब निष्कासन

मंगलबार, जेठ १८, २०७८ बागेश्वरी पोस्ट

नेपालगन्ज ।उपेन्द्र यादवले पार्टीबाट निकालेको लगत्तै महन्थ ठाकुर पक्षले पनि उपेन्द्रलाई यादवलाई निकालेको छ। ठाकुरले उपेन्द्रलाई पार्टीको साधारण सदस्य समेत नरहने गरी निष्कासित गरिएको ठाकुर निकट नेता डा सुरेन्द्र झाले बताए। ‘उपेन्द्र जीलाई पार्टीको साधारण सदस्य समेत नरहने गरी पार्टीबाट निष्कासित गर्ने निर्णय गरेका छौ’ झाले भने,‘केही बेरमा औपचारिक निर्णय बाहिर आउँछ।’

मधेसको हित विपरीत गतिविधि गरेको, मधेसका मुद्दा सम्बोधन हुने बेला उल्टै सम्बोधन हुन नदिने काममा सक्रिय रहेको जस्ता आरोप उपेन्द्रमाथि लगाइएको झाले बताए।

झाका अनुसार ठाकुर पक्षले यादवलाई मात्र पार्टीबाट निष्कासित गर्ने निर्णय गरेको छ। यादवले भने ठाकुर लगाए राजेन्द्र महतो, सर्बेन्द्रनाथ शुक्ल र लक्ष्मणलाल कर्णलाई पार्टीबाट निकाल्ने निर्णय गरेका छन्।

प्रकाशित मिति: मंगलबार, जेठ १८, २०७८ १७:३४