बर्दिया कारागारबाट फरार भएका भाइ नाइके ९ वर्षअघि पनि अदालतबाटै भएका थिए फरार

सुरक्षा-अपराध

गृहपृष्ठ
सुरक्षा-अपराध
बर्दिया कारागारबाट फरार भएका भाइ नाइके ९ वर्षअघि पनि अदालतबाटै भएका थिए फरार

बर्दिया कारागारबाट फरार भएका भाइ नाइके ९ वर्षअघि पनि अदालतबाटै भएका थिए फरार

आइतबार, भदौ १७, २०८० बागेश्वरी पोस्ट

बर्दिया । वि.सं.२०७१ मा ठाकुरबाबा-८ का जोरासिंह थापाको हत्या अभियोगमा पक्राउ परेर कर्तव्यज्यान मुद्दामा ३० वर्ष सजाय काटिरहेका बर्दिया कारागारका भाइ नाइके अजित बुढा क्षेत्री कारागारबाट फरार भएका छन् ।

९ वर्षअघि कर्तव्य ज्यान मुद्दामा पक्राउ परी अदालतबाट हतकडीसहित फरार भएका बुढा क्षेत्री बर्दियास्थित कारागार गुलरियाबाट फरार भएका हुन् ।

भाइ नाइके समेत रहेका बुढा आज बिहान ३ बजे कारागारभित्रको भवनको छतमा चढेर अग्लो काँडेतार लगाएको पर्खालबाट हामफालेर फरार भएको बर्दिया प्रहरीले जानकारी दिएको छ ।

त्यतिबेला फरार भएका उनी ८ वर्ष भारतमा लुकेर बसेर नेपाल आई गाउँमै लुकेर बसेको अवस्थामा प्रहरीले ११ महिना अघि मात्र पक्राउ गरेको थियो ।

प्रहरीका अनुसार कारागारका नाइके, भाइ नाइकेहरूलाई अरू कैदीबन्दीहरु भन्दा छुट्टै सुविधा दिइने र अरु कैदीबन्दीहरूसँग नभई उनीहरुलाई बस्ने सुविधा पनि छुट्टै हुनुका साथै हतकडी पनि नलगाइने हुँदा सोही मौका पारेर बुढा क्षेत्री बिहान फरार भएका हुन् ।

फरार भएका बुढा क्षेत्रीको खोजी कार्य गरिरहेको र जिल्लाका अधिकांश प्रहरी चौतर्फी परिचालन गरिएको बर्दिया प्रहरीले जनाएको छ ।

उनी भारत जान सक्ने हुँदा भारतीय प्रहरीसँग पनि समन्वय गरिएको बर्दिया प्रहरीले जानकारी दिएको छ ।

२०७१ साल चैतमा ठाकुरबाबा नगरपालिका-८ का १८ वर्षीय फरार बुढा क्षेत्रीले ७९ वर्षीय छिमेकी जोरासिंह थापाको हत्या गरेको अभियोगमा पक्राउ परेका थिए ।

प्रकाशित मिति: आइतबार, भदौ १७, २०८०, १८:०३:००

प्रतिक्रिया दिनुहोस्